I . O clarté sereine, par laquelle
joo Roman
de traïson , et ne la faictes point digne de nullle pardonnance ! O Pandaro , mon amy, qui me blasmiez tant de ce que je créoie en mon songe , or povez veoir clairement ce que véoie dormant, et vostre Brisaïda en monstre la certaineté. Les Dieux ont aucunefoiz pitié de ceulx qu’ilz voyent en paine et travail , et en pluseurs façons et manières leur demonstrent ce qu’il en doit avenir, et cecy est l’une des manières de le demonstrer endormant ; et maintesfoiz m’en suis apperceu quant je y ai prins garde. Or vouldroie je dès maintenant estre mort, puisque jamais plus ne attensàavoir joie, plaisir ne esbatement. Mais par voustre conseil je vueil attendre à mourir jusques à ce que je soye en armes main à main avec mes ennemis. Et Dieu me face la grâce que quant je ystray dehors pour aller en la bataille, que le premier que je rencontreray soit Dyomedes. Cestui cy est le plus grant desir que j’aye entre mes âoleurs et tribulacions, affin que je le puisse faire mourir ou champs en plains et en douleurs ; puis après , ne me chault quiconques me tue , mais que lui et moy mourons ensemble, affin que encores en l’autre monde nous puissions entretrouver. »
Pandaro, tant doloureux et desplaisant que plus ne povoit , l’escoutoit et sçavoit qu’il disoit vroy. Pour quoy il ne savoit que respondre, car • d’une part la grant amour qu’il avoit à son amy le contraignoit à demourer; d’autre part la honte qu’il avoit de la faulte que avoit faitte Brisaïda le admonnestoit à s’en partir. Et ainsi ne savoit quel party prendre , car l’un et l’autre lui desplaisoit. A la fin, il dist ainsi en plourant :
<t Troïlus , je ne sçay que je doy dire , car je congnois sa grant faulte et si l’en blasme tant aue je puis , et n’ay point d’entencion d’en faire a’autre excuse ne de jamais entrer en lieu où elle soit. Et ce que j’en ay fait, c’est pour amour de vous, en metant arrière toute honte qui m’en peust advenir. Si je vous ay fait plaisir, je en suis tresjoyeulx ; et de ce que elle fait à présent, je n’en puis mais , et en suis corroucé comme vous. Et si je veisse façon ne manière de y povoir remedier, soyez certain que je le feroye; mais je pry à Dieu, qui tout peut et scet, qu’il la pugnisse selon la grant faulte que elle a faitte. »
Grandes furent les plaintes et lamentacions.
Mais tousjours fesoit fortune son cours : Brisaïda met tretout son cueur en Dyomedes , et Troïlus gemissoit et plouroit. Diomedes louoit Dieu de sa bonne fortune, etTroylus faisoit le contraire; en se dolant le mauldissoit. Dedens les batailles et estours entroit toujours Troylus le premier, serchant Dyomèdes plus que nul autre , et pluseurs foiz s’entretrouvèrent l’un l’autre en ce faisant de villains reprouches , et s’entredonnèrent de tresgrans et merveilleux coups telle foiz de taille , et s’entrevendoient à merveilles chèrement leur folle amour. Mais Fortune ne avoir pas disposé que l’un fournist le propos de l’autre Le corrouz de Troylus tant que dura la guerre fist sans nulle faulte beaucoup d’ennuy ei de dommage aux Creux. Et pou en rencontroit de ceulx qui le attendoient qu’il ne tuast touz
