Sans nous attirer son ressentiment

DE TROÏI.US. 237

roy voustre père, qui enporte beaucop plus de mal que autre ne pense ; et ce cy redonderoit sur touz voz frères , lesquelz vous aurez laissé pour une femme et habandonnez de aide et de conseil ; et encores povez savoir que ceste chose espoventeroit tous voz autres parenset amis. Et tant plus V pense et plus me semble que vous en seriez blasmez et reprins ; à tousjoursmais perdriez le crédit de tous ceulx qui vous congnoissent, pour ce fait ycy seullement. Et si en nul temps du monde se doit monstrer foy et amour à ceste cité, de présent est heure; espiciallement pour vous, qui avez plus de puissance que nul autre qui y soit, après Hetor. Et puis joingnons l'espérance des estrangiers qui sont venuz à voustre secours et habandonnent ' la personne et avoir qu'ilz ont ; que pourroient ilz donc si vous en allez ? En lieu 2 d'espérance qu'ilz ont de guerdon et d'estre recongneuz , ilz se verront habandonnez 3. D'autre part, que pensez vous qu'il se diroyt entre gens de bien ? que ce seroiî legiereté de courage. Ils ne diroient pas que Amours avecques ses dars ardans vous eust induit à ce faire, mais paour et lascheté. Ostez doncques tout ce pensement, que jamais au cueur ne vous entre, en tant que vous aymez et avez chier voustre honneur, lequel me tient au cueur sur

I . Et qui vous donnent complètement leur personne. — 2. Et si au lieu. — 3. La douce Brisaïda fait ici, dans l'italien , une légère dissertation sur l'utilité qu'il y a à garder sa foi en temps de guerre ; le seneschal en a donné , dans la phrase qui précède, le sens général, en enlevant ce qui pourroit paroître trop didactique dans la bouche de la dolente dame.

238 Roman

toutes les choses du monde. Après pensez à mon honnesteté , laquelle j'ay tousjours maintenue, comme elle seroit chacée et plaine de diffame et du tout deffaitte et perdue; ne jamais , pour excuses que on sceust dire, ne seroit relevée, ne quelque ' vertueuse chose que sceusse faire, et vesquisse je 2 mil ans. Et oultre ce cy, je vous pry que regardez bien à toutes les choses qui pourroient ensuir pour ce cas cy : car ce cy n'est pas si pou de chose que vous n'y devez avoir regart et qu'il n'y faille peine et travail ; et tant plus avez de puissance et de hardement, de tant plus devez vous avoir abhominacion au cueur de faire celle chose mal faitte ; et si Dieu vous a grantpovoir donné, sachez en ouvrer en lieu et temps. Et tant noustre amour vous plaist, si est pour ce qu'il convient que de loing en jouissons ; mais si vous me aviez à voustre bandon >, tantost estaindroit 4 la flamme de voustre ardant désir qui ores vous brûle , et aussi pareillement de moy 5 seroit estainte. Pour quoy, si nous voulons que amour nous dure, il la nous fault embler^ comme nous faisons à présent. Doncques prenons conseil; prenons la fortune en lui monstrant les dens , car jamais ne subjugua la personne en qui elle trou.vast hault et franc courage. Suyvons son cours. Faignez de aller à l'esbat en aucun lieu , et en ce moyen donnez allegence à voz souppirs, et soyez tout seur que dedens dix jours je seray ycy.

— J'en suis content , dist Troïlus ; mais entre

I. Ni pour quelque vertueuse chose. — 2. Quand même je vivrois. — 3. A votre volonté , à votre aise. — 4. Se esteindroit. — 5. En moi. — 6. Prendre furtivement.

DK ÏROILUS. 239

deux', mes douleurs et conflictions de qui auront ilz confort aucun ? Je ne puis passer une seule heure sans grant tourment si je ne vous voy; comment doncques pourroye je passer dix jours jusques à ce que retournerez? Et, pour Dieu , trouvez façon de demourer, et n'allez point, si vous voyez qu'il soit possible. Je congnois bien et entens , à ce que j'ay ouy, voz argumens sages et raisonnables, et aussi avez vous bien peu veoir et congnoistre comment je suis consumé tout en pensant à voustre allée; doncques, si vous en allez, quelle vie sera la

mienne ?

— Helas ! dist Brisaïda , vous me tuez, et voustre melencolie me fait touz les maulx du monde; et voy bien que ne vous fiez point en moy, quant ne vouliez croire à la promesse que je vous foys. Ha! mon doulx amy, ne savez vous pas que en voustre fiance ^ je vous mis en possession de mon cueur et de mon corps emsemble. Qui cuideroit que ung homme si fort, si puissant en armes, nepeust attendre et transporter son courage dix pouvres jours ? Je cuide certainement que c'est beaucoup le meilleur de prendre ce party que j'ay dit; en estes vous content, mon tresdoulx seigneur? Et soyez tout seur et certain en voustre pencée que le cueur me pleure dedens le corps d'eslongner voustre doulx regart , et beaucoup plus , par avanture , que ne vous semble et que ne y pensez; et si n'ay membre qui ne s'en sente , mon cueur,

I. D'ici à ces dix jours. — 2. Par la foi que j'avois en vous.

mon àmy. Il est aucunesfoiz chose proffitable à perdre temps pour en gaigner d'autre. Je ne vous suis point ostée ', comme vous povez veoir, mais tant seulement suis rendue à mon père 2. Ne ne cuidez point que je sois sote , que je ne sache trouver façon et manière de retourner à vous , que je ame trop plus que moy mesmes ; doncques je vous pry, si ma prière doit valloir, et pour la grant amour que me portez, et pour celle que je vous porte , laquelle n'est pas moindre , que vous vueillez reconforter de ceste allée ; car si vous saviez le grant mal que me font les pleurs et les aspres souspirs que je vous voy gicter, vous abstineriez de tant en faire. J'ay espérance de tost retourner en joye et en plaisir pour amour de vous , et de trouver faczon et manière d'acomplir voustre désir et le mien ; faictes doncques que le voye délibéré de estre joyeulx avant que de moy départir. N'ayez plus de douleurs que celle que met ? en la pensée voustre amour et noustre amour emsemble. Or le faittes , ainsi je vous en prie , le tresdoulx repos de mon cueur, et vous prie que tant que je seray dehors de vous , ne vueillez point prendre d'autre damme, tant soit belle ne gracieuse, car si je le savoye vous povez croire que je me tueroye comme femme hors du sens , et me plain-

I. Chassée, enlevée à vous. — 2. Ce n'est pas, veutelle dire , pour m'enlever à vous qu'on me rappelle , mais uniquement pour me rendre à mon père. — 3. Qui demeure en notre pensée par le seul fait de notre amour. L'italien , moins délicat et moins profond , dit : De telle sorte que je n'aie plus d'autre douleur que celle qu'a mise en moi un amour trop ardent.

DF. TRÛ'iLU s. 34!

droie oultre mesure que contre droit et raison vous me aurez laissée pour une autre, car vous savez que estes plus de moy amé que oncques homme ne fust de damme. »

A ceste derrenière parolle Trovlus lui respondit en souppirant :

« Si je vouloye faire ce que à présent vous me dittes , je ne sçay pas veoir ne coagnoistre comme je le sceusse ne peusse faire , tant suis remply d'amours en vous amant; je ne sçay pas veoir comment jour de ma vie je peusse cesser cest honneur que je vous porte , et la raison je le vous diray : Beaulté ne me meut point à vous amer, laquelle a de coustume à esmouvoir les autres, et ne me esmeut point gentillesse, laquelle esmeut vouluntiers touz nobles; couvrechiefz ne abillemens ne aussi richesses ne misdrent point en mon cueur voustre amour, desquelles choses vous avez plus grant planté que damme que je sache, mais voz manières haultes et seignourieuses , j/oustre valeur, voustre parler, et voz coustumes , qui sont plus que aultres gentilles , et voustre fier desdaing tout plain de humilité , par lequel semble que vous desprisez tout appétit mondain , et façons de fairt acoustumées ' telles que vous avez. 0 maistresse puissante, amours vous ont si bien emprainte en ma pensée que jamais n'en partirez, et ceste emprainte cy ne se sauroit oster ne par longuesse de temps ne par fortune la muable. Mais tousjours mon pouvre désir plain d'angoesse et de travail a

I . Et enfin toutes vos manières , c'est tout cela qui a rais votre amour en moi.

Nouv. franc, du XIV s. 16

242 Roman

espérance de vous avoir. Helas ! que sera de mon mal medicine si vous en allez, ma doulce amour ? Certes, nulle autre que la mort. Cela sera la conclusion et fin de mes douleurs. »

Puis qu'ilz eurent longuement en ceste façon parlé et pluseurs foiz emsemble plouré , pource que jà se approuchoit le jour, ont laissé leur parlement, et se sont recommencez à baiser et à acoler, Dieu scet comment. Mais puis que les coqs eurent chanté , après plus de mille baisiers se levèrent et prindrent congé l'un de l'autre, touz plains de grans douleurs et gemissemens.

e jour mesmes vint Diomèdes , lequel mena Anthenor avecques lui , pour rendre aux Troyens , et le roy Priant rendit Brisaida , si olaine de pleurs et souppirs et de douleurs qu il n'est nul qui la voye en cest estât à qui il n'en preigne pitié. D'autre part estoit Troilus en telle tristesse que jamais homme ne la vit telle; vroy est que à grant paine retenoit dedens son pouvre estomac granl bataille qu'il avoit de souppirs plaine. Et cela encores luy sembloit pour rien à ce qu'il avoit entencion de faire • quant il retourneroit seullet en sa chambre ; car là vouloit à son aise faire ses plaintes et ses douleurs pour bien desambrazer son pouvre cueur, lequel estoit tout en