II

25o DIALOGUE III.

Dodone. Plusieurs astrologues briguent pour l'avoir ou en recouvrer la copie, car ilz disent qu'ilz feroyent leurs ephemerides, pronostications et almanachs, beaucoup plus seurs et véritables. Et davantage, ces gallantz promettent aux gens de les enrôler au livre d'immortalité pour certaine somme d'argent.

Mercure. Voire? par le corbieu ! c'est ce livre là sans aultre. Il n'y a que danger qu'ilz n'y escripvent des usuriers, rongeurs de povres gens, des bougres, des larrons, et qu'ilz en effacent des gens de bien, pource qu'ilz n'ont que leur donner. Jupiter en auroit bien, de par le diable! Et où les pourroys je trouver?

CuPiDO. Je ne t'en sçaurois que dire, car je ne suis point curieux de ces matières là. Je ne pense sinon à mez petiz jeux, menuz plaisirs et joyeux esbattemens, et entretenir ces jeunes dames; à jouer au cachemouchet au domicile de leurs petiz cueurs, où je picque et laisse souvent de mes légères flesches ; à voltiger par leurs cerveaulx et leur chatoillei leurs tendres mouelles et delicattes entrailles; à me monstrer et promener dedans leurs ryans yeulx, ainsi qu'en belles petites galleries; à baiser et succer leurs lèvres vermeilles; à me laisser couler entre leurs durs tetins, et puis de là me desrober et m'en aller en la vallée de

CYMBALUM MUNDl. 25l

joyssance, où est la fontaine de Jouvence, en laquelle je me joue, je me rafreschy et recrée et y faiz mon heureux séjour.

Mercure. Ta mère m'a icy baillé ung mémoire pour t'advertir de quelque chose. Tien, tu le verras tout à loisir, et feras le contenu, car j'ay grand haste; adieu.

CupiDO. Tout beau, tout beau, seigneur Mercure.

Mercure. Vertubieu! tu me arracheras mes talaires; laisse moy aller, Cupido, je te [prie. Je n'ay pas si grand envye de jouer que toy.

Cupido. Pourtant que je suis jeunette,

Aniy, n'en prenez esmoy ; Je feroys myeulx la chosette Qu'une plus vieille que moy.

Mercure. Ha! que tu as bon temps! tu ne te soucyes gueres s'il doit plouvoir ou neiger, comme faict nostre Jupiter, lequel en a perdu le livre.

Cupido. Tousjours

Les amoureux auront bonjour; Tousjours, et en tout temps.

Les amoureux auront bon temps.

Mercure. Voire, voire, nous en sommes bien.

Cupido. // y a, ma damoyselle.

Il y a je ne sçay quoy

Qui est ceste belle jeune fille que je voy là bas en ung verger seuUette? Est elle point encore amoureuse? Il fault que je la voye en face. Nenny, et toutesfoys je sçay bien que son amy languit pour l'amour d'elle. Ha! vous aymerez, belle dame sans mercy, avant qu'ayez marché trois pas.

Celia. O ingrate et mescognoissante que je suis! En quelle peine est il maintenant pour l'amour de moy? Or cognois je à ceste heure, mais las! c'est bien trop tard, que la puissance d'Amour est merveilleusement grande et que l'on ne peult éviter la vengence d'iceluy. N'ay je pas grand tort d'ainsi mespriser et esconduire cestuy qui m'ayme tant, voire plus que soy mesmes? Veulx je tousjours estre autant insensible qu'une statue de marbre? Vivray je tousjours ainsi seullette? Helas! il ne tient qu'à moy; ce n'est que ma faulte et folle opinion. Ha, petiz oysillons, que vous me chantez et monstrez bien ma leçon ! Que nature est bonne mère, de m'enseigner par voz motetz et petitz jeux que les créatures ne se peuvent passer de leurs semblables! Or vous feroys je voluntiers une requeste, c'est que vous ne m'importunissiez plus par voz menuz jargons, car j'entendz trop ce que vous voulez dire, et que ne me feissiez plus veoir les spectacles de voz

CYMBALUM MUNDl,

amoureux assemblemens , car cela ne me peult resjouyr, ains me faict juger que je suis la plus malheureuse créature qui soit en ce monde. Helas ! quand reviendra il, mon amy? J'ay grand paour que je ne luy aye esté si farrouche qu'il ne retourne plus. Si fera, s'il m'a autant aymée ou ayme encores comme je l'ayme maintenant. Il me tarde bien que je ne le voy. S'il revient jamais, je luy seray plus gracieuse et luy feray bien ung plus doulx racueil et meilleur traictement que je n'ay pas faict par cy devant.

CUPIDO. Va, va, de par dieu! va, dicl la fillette. Puis que remède n'y puis mettre.

Or elle est bien, la bonne dame; elle en a ce qu'il luy en fault.

Mercure. N'est ce pas pitié.? Soit que je vienne en terre, ou que je retourne aux cieulx, tousjours le monde et les dieux me demandent si j'ay ou si je sçay rien de nouveau. Il fauldroit une mer de nouvelles pour leur en pescher tous les jours de fresches. Je vous diray, à celle fin que le monde ayt de quoy en forger et que j'en puisse porter là hault, je m'en voys faire tout à ceste heure que ce cheval là parlera à son palefernier, qui est dessus, pour veoir qu'il dira. Ce sera quelque chose de nouveau, à tout le moins. Gar-

gabanado, Phorbantas, Sarmotoragos. O qu'ay je faict! J'ay presque proféré tout hault les parolles qu'il faut dire pour faire parler les bestes. Je suis bien fol, quant je y pense. Si j'eusse tout dict, et qu'il y eust icy quelcun qui m'eust ouy, il en eust peu apprendre la science.

Phlegon le cheval. Il a esté ung temps que les bestes parloyent; mais, si le parler ne nous eust point esté osté, non plus qu'à vous, vous ne nous trouveriez pas si bestes que vous faictes.

Statius. Qu'est ce à dire cecy? Par la vertubieu, mon cheval parle!

Phlegon. Voire dea, je parle. Et pourquoy non? Entre vous hommes, pour ce que à vous seulz la parolle est demourée, et que nous povres bestes n'avons point d'intelligence entre nous, par cela que nous ne pouvons rien dire, vous sçavez bien usurper toute puissance sur nous, et non seulement dictes de nous tout ce qu'il vous plait, mais aussi vous montez sur nous, vous nous picquez, vous nous battez; il fault que nous vous pourtions, que nous vous vestions, que nous vous nourrissions; et vous nous vendez, vous nous tuez, vous nous mangez. Dont vient cela? C'est par faulte que nous ne parlons pas. Que si nous sçavions parler et dire noz raisons, vous estes tant humains (ou devez estre) que, après

nous avoir ouy, vous nous traicteriez aultrement, comme je pense.

Statius. Par la morbieu! il ne fut oncques parlé de chose si estrange que ceste cy. Bonnes gens, je vous prie, venez ouyr ceste merveille; autrement vous ne le croiryez pas : par le sambieu ! mon cheval parle!

Ardelio. Qui a il là, que tant de gens y accourrent et s'assemblent en ung troupeau? Il me fault veoir que c'est.

Statius, Ardelio, tu ne sçay pas? par le corbieu! mon cheval parle!

Ardelio. Diz tu? voylà grand merveille! Et quedictil?

Statius. Je ne sçay, car je suis tant estonné d'ouyr sortir parolles d'une telle bouche que je n'entendz point à ce qu'il dict.

Ardelio. Metz pied à terre et l'escoutons ung petit raisonner. Retirez vous, messieurs, s'il vous plait; faictes place, vous verrez aussi bien de loing que de prés.

Statius. Or çà, que veulx tu dire, belle beste, par tes parolles?

Phlegon. Gens de bien, puis qu'il a pieu au bon Mercure de m'avoir restitué le parler, et que vous en voz affaires prenez bien tant de loisir de vouloir escouter la cause d'ung povre animau que

2 56 DIALOGUE m.

je suis, vous devez sçavoir que cestuy mon palefrenier me faict toutes les rudesses qu'il peult, et non seulement il me bat, il me picque, il me laisse mourir de fain, mais

Statius. Je te laisse mourir de fain ?

Phlegon, Voire, tu me laisses mourir de fain.

Statius. Par la morbieu! vous mentez; et, si vous le voulez soustenir, je vous couperay la gorge.

Ardelio. Non ferez, dea. Seriez vous bien si hardy de tuer ung cheval qui sçait parler? Il est pour faire ung présent au roy Ptolomée, le plus exquis qu'on vist jamais; et si vous advertiz bien que tout le trésor de Cresus ne le pourroit pas payer. Pour ce, advisez bien que vous ferez, et ne le touchez point, si vous estes sage.

Statius. Pourquoy dict il donc ce qui n'est pas vray?

Phlegon. Te souvient il point, quant dernièrement on t'avoit baillé de l'argent pour la despence de quatre chevaulx que nous sommes, que tu faisois ton compte ainsi : « Vous avez force fein et force paille, faictes grand chère; vous n^aurez que pour tant d'aveine le jour, la reste sera pour aller banqueter avec ma mye «?

Statius. Il t'eust myeux valu que tu n'eusses jamais parlé; ne te soucyes.

Phlegon. Encores ne m'en chault il de tout cela; mais, quant je rencontre quelque jument au moys que nous sommes en amour (ce qui ne nous advient qu'une foys l'an), il ne me veult pas souffrir monter sur elle, et toutesfois je le laisse bien tgnt de foys le jour monter sur moy. Vous, hommes, voulez ung droict pour vous et ung aultre pour voz voisins. Vous estes bien contens d'avoir tous voz plaisirs naturelz, mais vous ne les voulez pas laisser prendre aux autres, et mesmement à nous, povres bestes. Combien de fois t'ay je veu amener des garses en l'estable pour coucher avec toy? Combien de fois m'a il fallu estre tesmoing de ton beau gouvernement? Je ne te vouldrois pas requérir que tu me laissasses ainsi amener des jumens en l'estable pour moy comme tu amaine des garses pour toy; mais, quant nous allons aux champs, tu le me pourrois bien laisser faire en la saison, à tout le moins ung petit coup. Il y a six ans qu'il me chevauche, et si ne m'a pas encores laissé faire cela une povre foys.

Ardelio. Par dieu! tu as raison, mon amy, tu es le plus gentil cheval et la plus noble beste que je veiz jamais. Touche là; j'ay une jument qui est à ton commandement. Je la te presteray voluntiers, pour ce que tu es bon compaignon et que