IO B. DES PERIERS

mens qui y sont, quand pour Me Hercule, Per Jovem dispeream, vEdepol, Per Stygem , Proh Jupiter, et aultres semblables, j'ay mis ceux là dont noz bons gallandz usent , assavoir : Morbieu, Sambieu, Je puisse mourir, comme voulant plus lost translater et interpréter l'affection de celuy qui parle que ces propres paroles; semblablement, pour vin de Phalerne, j'ay mis vin de Beaulne, à icelle fin qu'il te fust plus familier et intelligible. J'ay aussi voulu adjouster à Proteus maistre Gonin, pour myeulx te declairer que c'est que Proteus. Quant aux chansons que Cupido chante au troysiesme dialogue, il y avoit au texte certains vers lyriques d'amourettes, au lieu desquelz j'ay mieulx aymé mettre des chansons de nostre temps, voyant qu'elles serviront autant à propos que lesditz vers lyriques, lesquelz [selon mon jugement), si je les eusse translatez, n'eussent point eu tant de grâce. Or je te l'envoyé tel qu'il est, mais c'est soubz condition que tu te garderas d'en bailler aulcune copie, à celle fin que de main en main il ne vienne à tomber en celles de ceulx qui se m.eslent du fait de l'imprimerie, lequel art {où il souloit apporter jadis plusieurs commoditez aux lettres), parce qu'il est maintenant trop commun, faict que ce qui est imprimé n'a point tant de grâce et est moins estimé que s'il demouroit encore en sa simple escripture, si

ce n'estoit que l'impression fust nette et bien correcte. Je t'envoiray plusieurs autres bonnes choses, si je cognoy que tu n'ayes point trouvé cecy maulvais. Et à Dieu, mon cher aniy, auquel je prie qu'il te tienne en sa grâce et te doint 'ce que ton petit cueur désire.

LES PERSONNAGES

MERCURE, BYRPHANES, CURTALIUS, L'HOSTESSE.

,ERCURE. Il est bien vray qu'il m'a 1 commandé que je luy feisse relier ce ! livre tout à neuf; mais je ne sçay s'il le demande en aix de boys ou en aix de papier. Il ne m'a point dict s'il le veult en veau ou couvert de veloux. Je doubte aussi s'il entend que je le face dorer, et changer la façon des fers et des doux pour le faire à la mode qui court. J'ay grand peur qu'il ne soit pas bien à son gré. Il

me haste si fort et me donne tant de choses à faire à ung coup que j'oublie l'une pour l'autre. Davantage, Venus m'a dict je ne sçay quoy, que je disse aux jouvencelles de Cypre touchant leur beau tainct. Juno m'a donné charge en passant que je luy apporte quelque dorure, quelque jaseran ou quelque ceincture à la nouvelle façon, s'il en y a point çà bas. Je sçay bien que Pallas me demandera si ses poètes auront rien faict de nouveau. Puis il me fault aller mener à Charon xxvii âmes de coquins qui sont mors de langueur ce jourd'huy par les rues, et treze qui se sont entretuez aux cabaretz, et dixhuict au bordeau; huict petitz enfans que les Vestales ont suffocquez, et cinq druydes qui se sont laissez mourir de manie et maie rage. Quant auray je faict toutes ces commissions.? Où est ce que l'on relie le myeulx? A Athènes, en Germanie, à Venise ou à Romme? 11 me semble que c'est à Athènes. Il vault mieulx que je y descende; je passeray là par la rue des Orfèvres et par la rue des Merciers, où je verray s'il y a rien pour madame Juno. Et puis de là m'en iray aux libraires, pour chercher quelque chose de nouveau à Pallas. Or me convient il garder surtout que l'on ne sache de quelle maison je suis : car, où les Athéniens ne surfont la chose aux aultres que deux foys autant qu'elle

CYMBALUMMUNDl. 2l5

vault, ilz me la vouldroyent vendre quatre foys au double.

Byrphanes. Que regardes tu là, mon compagnon ?

CuRTALius. Que je regarde? Je voy maintenant ce que j'ay tant de foys trouvé en escript, et que je ne pouvois croire.

Byrphanes. Et que dyable est ce?

CuRTALius. C'est Mercure, le messagier des dieux, que j'ay veu descendre du ciel en terre.

Byrphanes. O! quelle resverie ! Il le te semble, povre homme! tu as cela songé en veillant. Sus, sus, allons boire, et ne pense plus à telle vaine illusion.

Curtalius. Par le corbieu ! il n'y a rien plus vray; ce n'est pas mocquerie. Il s'est là posé, et croy qu'il passera tantost par icy. Attendons ung petit. Tien, le voys tu là?

Byrphanes. Il ne s'en fault gueres que je ne croye ce que tu me diz, veu aussi que je voy la chose à l'œil. Pardieu ! voylà ung homme acoustré de la sorte que les poètes nous descripvent Mercure. Je ne sçay que faire de croyre que ce le soit.

Curtalius. Tay toy ; voyons ung petit qui deviendra. Il vient droit à nous.

Mercure. Dieu gard les compaignons. Vend

2 l6 DIALOGUE I.

on bon vin céans? Corbieu! j'ay grand soif.

CuRTALius. Monsieur, je pense qu'il n'en y a point de meilleur dedans Athènes. Et puis, Monsieur, quelles nouvelles?

Mercure. Par mon ame ! je n'en sçay nulles. Je viens icy pour en apprendre. Hostesse, faictes venir du vin, s'il vous plait.

CuRTALius. Je t'asseure que c'est Mercure, sans aultre ; je le cognoys à son maintien, et voylà quelque cas qu'il apporte des cieulx. Si nous vallons rien, nous sçaurons que c'est, et luy desroberons, si tu m'en veulx croire.

Byrphanes. Ce seroit à nous une grande vertu et gloire, de desrober non seulement ung larron, mais l'auteur de tous larrecins, tel qu'il est.

CuRTALius. Il laissera son pacquet sur ce lict, et s'en ira tantost veoir par toute la maison de céans s'il trouvera rien mal mis à point, pour le happer et mettre en sa pouche; cependant nous verrons que c'est qu'il porte là.

Byrphane'-. C'est tresbien dict à toy.

Mercure. Le vin est il venu? Çà, compagnons, passons delà en ceste chambre, et allons taster du vin.

CuRTALius. Nous ne faisons que partir de boire; toutesfoys, monsieur, nous sommes con-

tens de vous tenir compagnie et de boire encor avec vous.

Mercure. Or, messieurs, tandis que le vin viendra, je m'en voys ung petit à l'esbat; faictes reinsser des verres cependant, et apporter quelque chose à manger.

CuRTALius. Le voys tu là, le galland? Je cognois ses façons de faire. Je veulx qu'on me pende s'il retourne qu'il n'ayt fouillé par tous les coings de céans, et qu'il n'ayt faict sa main, comment que ce soit, et t'asseure bien qu'il ne retournera pas si tost. Pour ce, voyons cependant que c'est qu'il a icy, et le desrobons aussi, si nous pouvons.

Byrphanes. Despeschons nous donc, qu'il ne nous surprenne sur le faict.

CuRTALius. Voycy ung livre.

Byrphanes. Quel livre est ce?

CuRTALius. Quz in hoc libro continentur :

Chronica rerum memorabilium quas Jupiter gessit antequam esset ipse. Fatorum prescriptum, sive eorum qux futura sunt cerise dispositiones.

Catalogus Heroum Immortalium qui cum Jove vitam victuri sunt sempiternam.

Vertubieu! voicy ung beau livre, mon compagnon ! Je croy qu'il ne s'en vend point de tel dedans Athènes. Sçays tu que nous ferons? Nous II. 28

2IO DIALOGUEI.

en avons ung delà, qui est bien de ce volume, et aussi grand : va le quérir, et le mettons en son sac en lieu de cestuy cy, et le refermons comme il estoit : il ne s'en doublera ja.

Byrphanes. Par le corbieu! nous sommes riches. Nous trouverons tel libraire qui nous baillera dix mil escuz de la copie. C'est le livre de Jupiter, lequel Mercure vient faire relier (comme je pense), car il tombe tout en pièces de vieillesse. Tien, voylà celuy que tu diz, lequel ne vault de gueres mieulx; et te prometz que, à les veoir, il n'y a pas grand différence de l'ung à l'aultre.

CuRTALius. Voylà qui va bien, le pacquet est tout ainsi qu'il estoit; il n'y sçauroit rien cognoistre.

Mercure. Sus, beuvons, compagnons! Je viens de visiter le logis de céans, lequel me semble bien beau.

Byrphanes. Le logis est beau, monsieur, pour cela qu'il contient.

Mercure. Et puis, que dit on de nouveau?

CuRTALius. Nous n'en sçavons rien, monsieur, si nous n'en apprenons de vous.

Mercure. Or bien, je boy à vous, messieurs.

Byrphanes. Monsieur, vous soyez le tresbien venu : nous vous allons pleiger.

Mercure. Quel vin est ce cy?

CuRTALius. Vin de Beaulne.

Mercure. Vin de Beaulne? Corbieu! Jupiter ne boit point de nectar meilleur.

Byrphanes. Le vin est bon; mais il ne fault pas acomparager le vin de ce monde au nectar de Jupiter.

Mercure. Je reny bien, Jupiter n'est point servy de meilleur nectar.

Curtalius. Advisez bien que c'est que vous dictes : car vous blasphémez grandement, et diz que vous n'estes pas homme de bien si vous voulez soustenir cela, voire par le sambieu!

Mercure. Mon amy, ne vous colerez pas tant. J'ay tasté des deux, et vous dys que cestuy cy vault mieulx.

Curtalius. Monsieur, je ne me colère point, ny je n'ay point beu de nectar, comme vous dictes qu'avez faict; mais nous croions ce qu'en est escript et ce que l'on en dict. Vous ne devez point faire comparaison de quelque vin qui croisse en ce monde icy au nectar de Jupiter. Vous ne seriez pas soustenu en ceste cause.

Mercure. Je ne sçay comment vous le croyez, mais il est ainsi comme je le vous dys.

Curtalius. Je puisse mourir de maie mort, monsieur (et me pardonnez s'il vous plaist), si

VOUS voulez maintenir ceste opinion , si je ne vous fais mettre en lieu où vous ne verres voz piedz de troys moys, tant pour cela que pour quelque chose que vous ne cuydez pas que je sache. (Escoute, mon compagnon, il a desrobé je sçay bien quoy là hault en la chambre. Par le corbieu ! il n'y a rien si vray.) Je ne sçay qui vous estes, mais ce n'est pas bien faict à vous de tenir ces propos là; vous vous en pourriez bien repentir, et d'autres cas que vous avez faictz il n'y a pas long temps; et sortez de céans hardyment, car, par la morbieu ! si je sors premier que vous, ce sera à voz dépens. Je vous ameneray des gens qu'il vauldroit mieulx que vous eussiez à faire à tous les diables d'enfer que au moindre d'eulx.

Byrphanes. Monsieur, il dict vray : vous ne devez point ainsi vilainement blasphémer; et ne vous fiez en mon compagnon que bien à point. Par le corbieu! il ne vous dict chose qu'il ne face, si vous luy eschauffez gueres le poil.

Mercure. C'est pitié d'avoir affaire aux hommes! Que le grand diable ayt part à l'heure que mon père Jupiter me donna jamais l'office pour traficquer et converser entre les humains! Hostesse, tenez, payez vous, prenez là ce qu'il vous fault. Et bien, estes vous contente ?

L'HosTESSE. Ouy, monsieur.

Mercure. Madame, que je vous dye ung mot à l'oreille, si vous plait. Sçavez vous point comment s'appellent ces deux compagnons qui ont beu delà avec moy?

L'HosTESSE. L'ung s'appelle Byrphanes, et l'aultre Curtalius.

Mercure. C'est assez; à Dieu, madame. Mais pour le plaisir que m'avez faict, tant de m'avoir donné de si bon vin que de me dire les noms de ces meschans, je vous promectz et asseure que votre vie sera allongée de cinquante ans en bonne santé et joyeuse liberté, oultre l'institution et ordonnance de mes cousines les Destinées.

L'HosTESSE. Vous me promettez merveilles, monsieur, pour ung rien ; mais je ne le puis croire, pour ce que je suis bien asseurée que cela ne pourroit jamais advenir. Je croy que vous le vouldriez bien ; aussy feroy je de ma part : car je seroye bien heureuse de vivre si longuement en tel estât que vous me dictes. Mais si ne s'en fera il rien pourtant.

Mercure. Dictes vous? Ha! vous en riez et vous en mocquez? Non, vous ne vivrez pas tant voirement , et si serez tout le temps de vostre vie en servitude, et malade toutes les lunes jusques au sang. Or voy je bien que la maulvaistié

des femmes surmontera celle des hommes. Hardiment, il ne s'en fera rien, puisque vous ne l'avez pas voulu croire. Vous n'aurez jamais hoste (quelque plaisir que luy ayez faict) qui vous paye de si riches promesses. Voylà de dangereux maraudz! Tudieu! Je n'euz jamais plus belle paour, car je croy qu'ilz m'ont bien veu prendre ce petit ymage d'argent qui estoit sur le buffet en hault , que j'ay desrobé pour en faire un présent à mon cousin Ganymedes, lequel me baille tousjours ce qui reste en la coupe de Jupiter après qu'il a pris son nectar. C'estoit de quoy ilz parloyent ensemble. S'ilz m'eussent une foys pris, j'estoye infâme, moy et tout mon lignage céleste. Mais, si jamais ilz tumbent en mes mains, je les recommanderay à Charon, qu'il les face ung petit chommer sur le rivage, et qu'il ne les passe de trois mil ans. Et si vous joueray encores ung bon tour, messieurs Byrphanes et Curtalius, car, devant que je rende le Livre d'immortalité à Jupiter mon père, lequel je vois faire relier, j'en effaceray voz beaux noms si je les y trouve escriptz, et celuy de vostre belle hostesse, qui est si desdaigneuse qu'elle ne veult croire ny accepter que l'on luy face du bien.

Curtalius. Par mon ame, nous luy en avons bien baillé! C'estoit ainsi qu'il failloit besongner.

Byrphanes, aiïin d'en vuyder la place. C'est Mercure luy mesme, sans faillir.

Byrphanes. C'est luy sans autre, voyrement. Voylà le plus heureux larcin qui fust jamais faict, car nous avons desrobé le prince et patron des robeurs, qui est ung acte digne de mémoire immortelle; et si avons recouvert ung livre dont il n'est point de semblable au monde.

CuRTALius. La pippée est bonne, veu que au lieu du sien nous luy en avons mis ung qui parle bien d'autres matières. Je ne crains que une chose : c'est que, si Jupiter le voit et qu'il trouve son livre perdu, il n'en fouldroye et abysme tout ce povre monde icy, qui n'en peult mais, pour la punition de nostre forfaict. Il n'y auroit gueres à faire, car il est assez tempestatif quand il se y met. Mais je te diray que nous ferons. Pour ce que je pense que tout ainsi que rien n'est contenu en ce livre qui ne se face, ainsi rien ne se faict qui n'y soit contenu. Nous regarderons ce pendant si cestuy nostre larcin y est point predict et pronostiqué, et s'il dict point que nous le rendrons quelque foys, à celle fin que nous soyons plus asseurez du faict.

Byrphanes. S'il y est, nous le trouverons en cest endroict, car voicy le tiltre : Fata et eventus anni.

CuRTALius. St, St. Cache ce livre, car j'oy Ardelio qui vient, lequel le vouldroit veoir. Nous le verrons plus amplement une autre foys tout h loysir.

LES PERSONNAGES

TRIGABUS, MERCURE, RHETULUS, CUBERCUS, DRARIG.

.RiGABUs. Je puisse mourir, Mercure, isi tu. es qu'ung abuseur, et fusses tu ,filz de Jupiter troys foys, affîn que je te le dye. Tu es ung caut varlet. Te souvient il du bon tour que tu feiz? Oncques puis ne fuz tu icy. Tu en baillas bien à noz resveurs de philosophes. Mercure. Comment donc?

Trigabus. Comment? quant tu leur dis que tu avois la pierre philosophale et la leur monstras, pour laquelle ilz sont encore en grant peine, dont ilz t'importunèrent tant par leurs prières que toy, doubtant à qui tu la donneroys entière, vins à la briser et mettre en pouldre, et puis la respandiz par l'areine du théâtre où ilz estoyent disputans (comme ilz ont de coustume), à celle

fin que ung chascun en eust quelque peu; leur disant qu'ilz cherchassent bien, et que, s'ilz pouvoient recouvrer d'icelle pierre philosophale, tant petite pièce fust elle, ilz feroient merveilles, transmuroyent les metaulx, romproyent les barres des portes ouvertes, gariroyent ceulx qui n'auroyent point de mal, interpreteroyent le langage des oyseaulx, impetreroient, facilement tout ce qu'ilz vouldroyent des dieux, pourveu que ce fust chose licite et qui deust advenir, comme après le beau temps la pluye, fleurs et serain au primtemps, en esté pouldre et chaleurs, fruictz en autonne, froid et fanges en hyver; bref, qu'ilz feroyent toutes choses et plusieurs aultres. Vrayement, ilz n'ont cessé depuis ce temps de fouiller et remuer le sable du théâtre, pour en cuyder trouver des pièces. C'est ung passetemps que de les veoir esplucher. Tu dirois proprement que ce sont petiz enfans qui s'esbattent à la pouldrette, sinon quand ilz viennent à se battre.

Mercure. Et bien, n'en y a il pas eu ung qui en ayt trouvé quelque pièce?

Trigabus. Pas ung, de par le dyable! Mais il n'y a celuy qui ne se vante qu'il en a grande quantité; tellement que, si tout ce qu'ilz en monstrent estoit amassé ensemble, il seroit dix foys plus gros que n'estoit la pierre en son entier.

Mercure. Il pourroit bien estre que pour des pièces d'icelle pierre philosophale ilz auroient choisi parmy le sable du sable mesmes, et si n'y auroit pas gueres à faire, car il est bien difficile de les cognoistre d'entre le sable, pource qu'il n'y a comme point de différence.

Trigabus. Je ne sçay; mais j'ay veu plusieurs affermer qu'ilz en avoient trouvé de la vraye, et puis, bien tost après, doubter si c'en estoit, et finablement jetter là toutes les pièces qu'ilz en avoient, pour se mettre à en chercher d'aultres. Puis de rechef, après en avoir bien amassé, ne se pouvoient asseurer ny persuader que c'en fust. Tellement que jamais ne fut exhibé ung tel jeu, ung si plaisant esbatement, ny une si noble fable que ceste cy. Corbieu! tu les nous as bien mis en besongne, noz veaulx de philosophes!

Mercure. N'aypas?

Trigabus. Sambieu! jevouldroie que tu eusses veu ung peu le desduit, comment ilz s'entrebattent par terre, et comment ilz ostent des mains l'ung de l'aultre les myes d'areine qu'ilz trouvent ; comment ilz rechignent entre eulx quant ilz viennent à confronter ce qu'ilz en ont trouvé. L'ung se vante qu'il en a plus que son compagnon; l'autre luy dict que ce n'est pas de la vraye. L'ung veult enseigner comme c'est qu'il en fault

trouver, et si n'en peut pas recouvrer luy mesmes; l'autre luy respond qu'il le sçait aussi bien et mieulx que luy. L'ung dict que pour en trouver des pièces il se fault vestir de rouge et vert; l'aultre dict qu'il vauldroit mieulx estre vestu de jaune et bleu. L'ung est d'opinion qu'il ne fault manger que six fois le jour avec certaine diette; l'aultre tient que le dormir avec les femmes n'y est pas bon. L'ung dict qu'il fault avoir de la chandelle, et fust ce en plain mydi; l'autre dict du contraire. Hz crient, ilz se demeinent, ilz se injurient, et Dieu sçait les beaulx procès criminelz qui en sourdent. Tellement qu'il n'y a court, rue, temple, fontaine , four, molin, place, cabaret, ny bourdeau, que tout ne soit plein de leurs parolles, caquetz, disputes, factions et envies. Et si en y a aulcuns d'entre eulx qui sont si outrecuidez et opiniastres que, pour la grande persuasion qu'ilz ont que l'areine par eulx choisie est de la vraye pierre philosophale , promettent rendre raison et juger de tout, des cieulx, des champs Elisiens, de vice, de vertu, de vie, de mort, de paix, de guerre, du passé, de l'advenir, de toutes choses et plusieurs aultres; tellement qu'il n'y a rien en ce monde dequoy il ne faille qu'ilz en tiennent leurs propos, voire jusques aux petis chiens des garses des druydes, et jusques aux

poupées de leurs petis enfans. Il est bien vray qu'il en y a quelques ungs (ainsi que j'ay ouy dire) lesquelz on estime en avoir trouvé des pièces; mais icelles n'ont eu aucune vertu ne propriété, sinon qu'ilz en ont transformé^ des hommes en cigales, qui ne font aultre chose que cacquetter jusques à la mort; d'aultres en perroquetz injurieux, non entendans ce qu'ilz jargonnent; et d'aultres en asnes propres à porter gros faix et opiniastres à endurer force coups de bastons. Bref, c'est le plus beau passetemps et la plus joyeuse risée, de considérer leur façon de faire, que l'on vit oncques et dont l'on ouyt jamais parler.

Mercure. A bon escient?

Trigabus. Voire, par le corbieu! Et si tu ne éi'en veulx croire, vien t'en, je te meneray au théâtre, où tu verras le mistere, et en riras tout ton beau saoul.

Mercure. C'est tresbien dict, allons y; mais j'ay grand paour qu'ilz me cognoissent.

Trigabus. Oste ta verge, tes talaires et ton chapeau : ilz ne te cognoistront jamais ainsi.

Mercure. Non, non; je feray bien mieulx : je m'en voys changer mon visage en aultre forme. Or me regarde bien au visage, pour veoir que je deviendray.

23o DIALOGUE II.

Trigabus. Vertu bieu! qu'est cecy? quel Proteus ou maistre Gonin tu es! Comment tu as tantost eu changé de visage! Où tu estois un beau jeune gars , tu t'es faict devenir ung vieillart tout gris. Ha! j'entendz bien maintenant dont cela procède : c'est par la vertu des motz que je t'ay veu cependant mormonner entre tes lèvres. Mais, par le corbieu! si faut il que tu m'en monstres la science, ou tu ne seras pas mon amy; je paieray tout ce que tu vouldras. S'il advient que je sache une foys cela, et que je prenne tel visage que je vouldray, je feray tant que l'on parlera de moy. Or je ne t'abandonneray jamais que tu ne le me ayes enseigné. Je te supplie, Mercure, mon amy, apprens moy les parolles qu'il fault dire, afin que je tienne cela de toy.

Mercure. Vraiement, je le veulx bien, pource que tu es bon compaignon ; je le t'enseigneray avant que je parte d'avec toy. Allons premièrement aux areines, et puis après je le te diray.

Trigabus. Or bien, je me fie en ta parolle. Voy tu cestuv là qui se promené si brusquement? Je vouldrois que tu l'ouysses ung petit raisonner. Tu ne vis oncques en ta vie le plus plaisant badin de philosophe. Il monstre je ne sçay quel petit grain d'areine et dict par ses bons dieux que c'est de la vraye pierre philosophale, voire

CYMBALUM MUNDI. 23l

et du fin cueur d'icelle. Tien, là : comment il torne les yeulx en la teste. Est il content de sa personne! Voy tu comment il n'estime rien le monde au pris de soy?

Mercure. En voylà ung aultre qui n'est pas moins rébarbatif que luy. Approchons nous ung petit, et voions les mines qu'ilz feront entre eulx, et oyons les propos qu'ilz tiendront.

Trigabus. C'est bien dict.

Rhetulus. Vous avez beau chercher, messieurs, car c'est moy qui ay trouvé la fève du gasteau.

CuBERCus. Mon amy, ne vous glorifiez ja tant. La pierre philosophale est de telle propriété qu'elle pert sa vertu si l'homme présume trop de soy après qu'il en a trouvé des pièces. Je pense bien que vous en avez; mais souffrez que les aultres en cherchent, et en aient aussi bien que vous, si leur est possible. Mercure, qui la nous a baillée, n'entend point que nous usions de ces reprouches entre nous, mais veult que nous nous entraymions l'un l'aultre comme frères : car il ne nous a pas mis à la queste d'une si noble et divine chose pour dissension, mais plus tost pour dilection. Toutesfois (à ce que je voy) nous faisons tout le contraire.

Rhetulus. Or, vous avez beau dire, ce n'est

que sable tout ce que vous autres avez amassé.

Drarig. Vous mentez par la gorge. En voylà une pièce, qui est de la vraye pierre philosophale mieulx que la vostre.

Rhetulus. N'as tu point de honte de présenter cela pour pierre philosophale? Est il pas bon à veoir que ce n'est que sable? Phy, phy, oste cela.

Drarig. Pourquoy me l'as tu faict tumber? Elle sera perdue. Je puisse mourir de maie rage, si j'estoie homme de guerre, ou que j'eusse une espée, si je ne te tuoye tout roide, sans jamais bouger de la place! Comment est il possible que je la puisse trouver maintenant? J'avois tant pris de peine à la chercher, et ce meschant, mauldit et abominable, la m'a fait perdre.

Rhetulus. Tu n'as pas perdu grand chose, ne te chaille.

Drarig. Grant chose! Il n'y a trésor en ce monde pour lequel je l'eusse voulu bailler. Que maies furies te puissent tormenter! O traistre, envieux que tu es, ne me pouvois tu autrement nuyre, sinon de me faire perdre en ung moment tous mes labeurs depuis trente ans? Je m'en vengeray, quoy qu'il tarde.

Cubercus. J'en ay quinze ou seze pièces, entre lesquelles je suis bien asseuré qu'il en y a

(juatrc (pour le moins) qui sont de la plus vraye (ju'il est possible de recouvrer.

Trigabus. Or çà, messieurs, dictes nous (s'il vous plaist) que c'est que vous autres philosophes cherchez tant tous les jours parmy l'areine de ce théâtre ?

CuBERCUS. A quoy faire le demandez vous ?Sça-" vez vous pas bien que nous cherchons des pièces de la pierre philosophale, laquelle Mercure mist jadis en pouldre, et nous la repandit en ce lieu?

Trigabus. Et pour quoy faire de ces pièces?

CuBERCUs. Pour quoy faire dea? Pour transmuer les metaulx , pour faire tout ce que nous vouldrions , et impetrer tout ce que nous demanderions des dieux.

Mercure. Est il bien possible?

Cubercus. S'il est possible? En doubtés vous?

Mercure. Voire, j'en doubte, car vous qui avez dict nagueres que vous en aviez pour le moins quatre pièces de la vraye, pourriez bien faire, par le moyen de l'une (si toutes ne les y voulez employer), que vostre compagnon pourroit facilement recouvrer la sienne, laquelle Tautre luy a faict perdre, dont il est demy enragé. Et moy, qui n'ay point d'argent, vous priroy voluntiers que ce fust vostre bon plaisir de me convertir en escuz quinze livres de monnoye, sans plus,

que j'ay en ma bourse; vous n'y sçauriez rien perdre, il ne vous pourroit couster que le vouloir, ou la parolle, si tant estoit que ces pièces, que vous avez, eussent tant d'efficace que vous dictes.

CuBERCUS. Je vous diray, monsieur, il ne le fault pas prendre ainsi. Vous devez entendre qu'il n'est pas possible que la pierre soit de telle vertu qu'elle estoit jadis, quand elle fut brisée nouvellement par Mercure, pour ce qu'elle est toute esventée, depuis le temps qu'il l'a respandue par le théâtre. Et si vous dy bien ung point, qu'il n'est ja besoing qu'elle monstre sa valeur, quant ainsi seroit qu'elle l'auroit encores. Et davantage. Mercure luy peult soustraire et restituer sa vertu ainsi qu'il luy plait.

Mercure. Il n'est ja besoing, dictes vous? Et pour quoy vous rompez vous donc la teste, les yeux et les reins à la chercher si obstinément?

Rhetulus. Non, non, ne dictes point cela: car elle est autant puissante et vertueuse qu'elle fut jamais, nonobstant qu'elle soit esventée, comme vous dictes. Si ce que vous en avez ne monstre point par œuvre et effect quelque vertu, c'est bien signe que ce n'en est point de la vraye. Quant au regard de ce que j'en ay, je vous advertiz bien d'ung cas, que j'en fay ce que

vculx : car non seulement je transmue les metaulx, comme l'or en plomb (je vous dy le plomb en l'or), mais aussi j'en fay transformation sur les hommes, quand, par leurs opinions transmuées, bien plus dures que nul métal, je leur fay prendre autre façon de vivre : car à ceulx qui n'osoient nagueres regarder les Vestales je fay maintenant trouver bon de coucher avec elles; ceulx qui se soloient habiller à la bouhemienne, je les fay acoustrer à la turque; ceulx qui par cy devant alloient à cheval, je les fay trotter à piedz; ceulx qui avoient coustume de donner, je les contrains de demander. Et si fay bien mieulx, car je fay parler de moy par toute la Grèce; tellement qu'il en y a telz qui soustiendront jusques à la mort, contre tous, que j'en ay de la vraye; et plusieurs autres belles choses que je fay par le moyen d'icelles pièces, lesquelles seroient trop longues à racompter. Or çà, bon homme, que te semble il de noz philosophes?

Mercure. Il me semble qu'ilz ne sont gueres sages, monsieur, ne vous aussi.

Rhetulus. Pour quoy?

Mercure. De se tant travailler et debatre pour trouver et choysir par l'areine de si petites pièces d'une pierre mise en pouldre, et de perdre ainsi leur temps en ce monde icy, sans faire autre chose

que chercher ce que à l'adventure il n'est pas possible de trouver, et qui, peult estre, n'y est pas. Et puis, ne dictes vous pas que ce fut Mercure qui la vous brisa et respandit par le théâtre?

Rhetulus. Voire, ce fust Mercure.

Mercure. O povres gens! vous fiez vous en Mercure, le grand aucteur de tous abuz et tromperie? Sçavez vous pas bien qu'il n'a que le bec, et que par ses belles raisons et persuasions il vous feroit bien entendre de vessies que sont lanternes, et de nuées que sont poilles d'arain? Ne doublez vous point qu'il ne vous ait baillé quelque aultre pierre des champs, ou, peult estre, de l'areine mesmes, et puis qu'il vous ayt faict à croire que c'est la pierre philosophale, pour se mocquer de vous et prendre son passetemps des labeurs , colères et debatz qu'il vous voit avoir en cuydant trouver la chose laquelle n'est point?

Rhetulus. Ne dictes pas cela, monsieur, car, sans faillir, c'estoit la pierre philosophale. On en a trouvé des pièces, et en a l'on veu certaines expériences.

Mercure. Vous le dictes, mais j'en doubte : car il me semble que, si ce la fust, vous feriez choses plus merveilleuses, veu la propriété que vous dictes qu'elle a. Et mesmement, comme gens de bon vouloir que vous estes, pourriez faire

devenir tous les povres riches, ou, à tout le moins, vous leur feriez avoir tout ce qui leur est nécessaire sans truander.

Rhetulus. Les belistres sont de besoing au monde, car, si tous estoient riches, Ton ne trouveroit point à qui donner pour exercer la belle vertu de libéralité.

Mercure. Vous trouveriez aysement les choses perdues et sçauriez les cas dont les hommes doubtent, affin de les mettre d'apointement, selon la vérité, laquelle vous seroit bien cognue.

Rhetulus. Et que diroyent les juges, advocatz et enquesteurs? Que feroient ilz de tous leurs codes, pandectes et digestes, qui est une chose tant honneste et utile?

Mercure. Quand il y auroit quelcun qui seroit malade, et on vousmanderoit, vous ne feriez que mettre une petite pièce d'icelle pierre philosophai sur le patient, qu'il seroit gary incontinent.

Rhetulus. Et de quoy serviroient les médecins et apothicaires, et leurs beaulx livres de Galien, Avicenne, Hippocrates, Egineta et autres, qui leur coustent tant? Et puis par ce moyen tout le monde vouldroit tousjours guérir de toutes maladies, et jamais nul ne vouldroit mourir, laquelle chose seroit trop desraisonnable.

Trigabus. En voyià ung lequel semble avoir

trouvé quelque chose. Tenez, comment les aultres y accourrent d'envie et se mettent à chercher au mesme lieu.

Rhetulus. Ils font tresbien de chercher, car ce qui n'est trouvé se trouvera.

Mercure. Voire mais, depuis le temps que vous cherchez, si n'est il point de bruit que vous ayez faict aulcun acte digne de la pierre philosophale, qui me faict doubter que ce ne l'est point; ou, si ce l'est, qu'elle n'a point tant de vertu que l'on dict, mais que ce ne sont que parolles, et que vostre pierre ne sert que à faire des comptes.

Rhetulus. Je vous ay ja dict plusieurs cas que j'ay faict par le moyen de ce que j'en ay.

Mercure. Et puis, qu'est ce que cela? Le grand babil et hault caquet que vous avez en est cause, et non pas vostre grain de sable. Vous tenez cela tant seulement de Mercure, et non aultre chose, car, tout ainsi qu'il vous a payez de parolles, vous faisant à croire cjue c'estoit la pierre philosophale, aussi contentez vous le monde de belle pure parolle. Voylà de quoy je pense que vous estes tenuz à Mercure.

Trigabus. Je puisse mourir, si j'estoye que du Sénat, si je ne vous envoyoye bien tous à la charrue, aux vignes ou en galleres. Pensez vous qu'il faict beau veoir ung tas de gros veaux perdre

tout le temps de leur vie à chercher de petites pierres, comme les enfans? Encores si cela venoit h quelque profiît, je ne diroys pas; mais ilz ne font rien de tout ce qu'ilz cuydent, qu'ilz resvent et promettent. Par le corbieu! ilz sont plus enfans que les enfans mesmes, car des enfans encor en faict on quelque chose et s'en sert l'on aulcunement. S'ilz s'amusent à quelque jeu, l'on les faict cesser aiséement pour les faire besongner; mais ces badins et resveurs de philosophes, quant ilz se sont une foys mis à chercher des grains d'areine parmy ce théâtre , pensans trouver quelque pièce de leur belle pierre philosophale, on ne les peult jamais retirer de ce sot jeu de barbue et perpétuelle enfance; ains vieillissent et meurent sur la besongne. Combien en ay je veu qui devoyent faire merveilles? Ouy dea, des nav^aulx, ils en ont belles lettres!

Rhetulus. On n'en trouve pas des pièces ainsi que l'on vouldroit bien; et puis Mercure n'est pas tousjours favorable à tous.

Mercure. Je le pense.

Rhetulus. Or, messieurs, il ne vous desplaira point si je prens congé de vous, car voylà monsieur le sénateur Venulus, avec lequel j'ay promis d'aller souper, qui m'envoye quérir par son serviteur.

Mercure. A Dieu donc, monsieur.

Trigabus. Voylà de mes gens! il sera assis au hault boult de la table, on luy trenchera du meilleur, il aura l'audivit et le caquet par dessus tous, et Dieu sçait si leur en comptera de belles !

Mercure. Et tout par le moyen de ma pierre philosophale?

Trigabus. Et quoy donc? Quand ce ne seroit ja que les repues franches qu'ilz en ont, ilz sont grandement tenuz à toy, Mercure.

Mercure. Tu voy de quoy sert mon art. Or il me fault aller faire encor quelque message secret, de par Jupiter mon père, à une dame, laquelle demeure au prés du temple d'Apollo; et puis il me fault aussi ung petit veoir ma mye devant que je retorne. A Dieu.

Trigabus. Tu ne me veulx donc pas tenir promesse?

Mercure. Dequoy?

Trigabus. De m'enseigner les motz qu'il fault dire pour changer ma trongne et mon visage en telle forme que je vouldray.

Mercure. Ouy dea, c'est bien dict. Escoute en l'oreille.

Trigabus. Comment? Je ne t'oy pas. Je ne sçay que tu dis; parle plus hault.

Mercure. Voylà toute la recepte, ne i'oblie pas.

Trigabus. Qu'a il dict? Par le sambieu! je ne l'ay point entendu, et croy qu'il ne m'a rien dict, car je n'ay rien ouy. S'il rn'eust voulu enseigner cela, j'eusse faict mille gentillesses, je n'eusse jamais eu paour d'avoir faulte de rien, car, quand j'eusse eu affaire d'argent, je n'eusse faict que transmuer mon visage en celluy de quelcun à qui ses trésoriers en doyvent, et m'en feusse allé le recevoir pour luy; et pour bien jouyr de mes amours et entrer sans danger chez ma mye, j'eusse pris souvent la forme et la face de l'une de ses voisines, à celle fin que l'on ne m'eust cogneu, et plusieurs aultres bons tours que j'eusse faict. O la bonne façon de masques que c'eust esté, s'il m'eust voulu dire les motz et qu'il ne m'eust point abusé! Or je reviens à moy mesmes et cognois que l'homme est bien fol lequel s'attend avoir quelque cas de cela qui n'est point, et plus malheureux celuy qui espère chose impossible.

LES PERSONNAGES

MERCURE, CUPIDO, CELIA, PHLEGON STATIUS, ARDELIO.

ERCURE. Encores suis je grandement esmerveillé comment il peult avoir si belle patience. Le forfaict de Lycaon, pour lequel il fit jadis venir le déluge sur la terre, n'estoit point tant abominable que cestuy cy. Je ne sçay à quoy il tient qu'il n'en a desja du tout fouldroyé et perdu ce malheureux monde, de dire que ces traistres humains non seulement luy ayent osé retenir son livre, où est toute sa prescience, mais encores, comme si c'estoit par injure et mocquerie, ilz luy en ont envoyé ung au lieu d'icelluy, contenant tous ses petiz passetemps d'amours et de jeunesse, lesquelz il pensoyt bien avoir faictz à cachette de Juno, des dieux et de

CYMBALUM MUNDl. 248

tous les hommes : comme quand il se feit taureau pour ravir Europe; quand il se desguisa en cygne pour aller à Lseda; quand il print la forme d'Amphitrion pour coucher avec Alcmena ; quand il se transmua en pluye d'or pour jouyr de Danae ; quand il se transforma en Diane, en pasteur, en feu, en aigle, en serpent, et plusieurs aultres menues follies, qu'il n'appertenoit point aux hommes de sçavoir, et encore moins les escrire. Pensez, si Juno trouve une foys ce livre, et qu'elle vienne à lire tous ces beaulx faictz, quelle feste elle luy mènera. Je m'esbahis comment il ne m'a getté du hault en bas, comme il fît jadis Vulcanus, lequel en est encor boiteux du coup qu'il print et sera toute sa vie. Je me fusse rompu le col, car je n'avois pas mes talaires aux piedz pour voler et me garder de tumber. Il est vray que ce a esté bien ma faulte en partie : car je y devoye bien prendre garde, de par dieu! avant que l'emporter de chez le relieur. Mais que eusse je faict?C'estoit la veille des Bacchanales, il estoit presque nuict. Et puis tant de commissions que je avoysencores à faire me troubloyent si fort l'entendement que je ne sçavoye que je faisoye. D'aultre part, je me fioye bien au relieur, car il me sembloit bien bon homme; aussi est il, quand ne seroit ja que pour les bons livres qu'il relie et

244 DIALOGUK 111.

manie tous les jours. J'ay esté vers luy depuis. Il m'a juré avec grandz sermens qu'il m'avoit rendu le mesme livre que je luy avoye baillé, dont je suis bien asseuré qu'il ne m'a pas esté changé en ses mains. Où est ce que je fuz ce jour là? 11 m'y fault songer. Ces meschans avec lesquelz je beu en l'hqstellerie du Charbon Blanc le m'auroyent ilz point desrobé et mys cestuy cy en son lieu? Il pourroit bien estre : car je m'absentay d'eulx assez long temps, cependant qu'on estoit allé tirer le vin. Et par mon serment, je ne sçay comiment ce vieulx rassoté n'a honte! Ne pouvoit il pas avoir veu aultrefoys dedans ce livre, ouquel il cognoissoit toutes choses, que icelluy livre debvoit quelque foys devenir? Je croy que sa lumière l'a esblouy, car il failloit bien que cestuy accident y fust predict, aussi bien que tous les aultres, ou que le livre fust faulx. Or, s'il s'en courrousse, qu'il s'en deschausse. Je n'y sçaurois que faire. Qu'est ce qu'il m'a baillé icy en mémoire? « De par Jupiter l'altitonant, soit faict ung cry pubhque par tous les carrefours d'Athènes, et, s'il est besoing, aux quatre coings du monde, que, s'il y a personne qui ayt trouvé ung livre intitulé : Quaz in hoc Ubro continentur : Chronica rerum memorabUiiim quas Jupiter gessit aniequam esset ipse. Fatorum prxscriptum, sive eoruin qiiœ

futiira sunt certx dispositiones. Catalogus Heroiim Immortaliiiin qui cum Jove vitam victuri sunt sempiternam; ou s'il y a quelcun qui sache aulcune nouvelle d'icelluy livre, lequel appertient à Jupiter, qu'il le rende à Mercure, lequel il trouvera tous les jours en l'Académie, ou en la Grand Place, et icelluy aura pour son vin la première requeste qu'il luy fera. Que s'il ne le rend dedans huict jours après le cry faict, Jupiter a délibéré de s'en aller par les douze maisons du ciel, où il pourra aussi bien deviner celuy qui l'aura que les astrologues; dont fauldra que icelluy qui l'a le rende, non sans grande confusion et punition de sa personne. » Et qu'est ce cy ? « Mémoire à Mercure de bailler à Cleopatra, de par Juno, la recepte qui est cy dedans ce papier ployée, pour faire des enfans, et en délivrer avec aussi grand joye que quand on les conceoit, et apporter ce qui s'ensuyt. » Voire dea, apporter! Je la feray tantost, attendez vous y. « Premièrement, ung perroquet qui sache chanter toute VlUade d'Homère, ung corbeau qui puisse causer et harenguer à tous propos, une pie qui sache tous les préceptes de philosophie, ung singe qui joue au quillard, une guenon pour luy tenir son miroir le matin quand elle s'accoustre, ung miroir d'acier de Venise des plus grandz qu'il pourra trouver;

246 DIALOGUE m.

de la civette, de la ceruse, une grosse de lunettes, des gandz perfumez; le carequant de pierrerie qui faict faire les Cent Nouvelles Nouvelles; Ovide, de l'Art d'aymer; et six paires de potences d'hebene. » Je ne puisse jamais remonter aux cieulx si je faiz rien de tout cela. Et voylà son mémoire et sa recepte en pièces, elle yra chercher ung autre vallet que moy, par le corbieu! Comment me seroit il possible de porter toutes ses besongnes là hault? Ces femmes icy veulent que Ton leur face mille services, comme si l'on estoit bien tenu à elles; mais au diable l'une qui dye : « Tien, Mercure, voylà pour avoir ung feutre de chappeau. » Et puis qu'est cecy? « Mémoire à Mercure de dire à Cupido, de par sa mère Venus (ha, est ce vous, Venus? vous serez obeye vrayement), que le plus tost qu'il pourra il s'en voise tromper et abuser ces Vestales, lesquelles cuydent estre si sages et prudentes, pour leur remonstrer ung petit leur malheureuse follie et témérité; et que pour ce faire il s'adresse à Somnus, qui luy prestera voluntiers de ses garsons, avec lesquelz il yra de nuyct à icelles Vestales, et leur fera taster et trouver bon en dormant ce qu'en veillant elles ne cessent de blasmer; et qu'il escoute bien les propos de regretz et repentances que chascune tien-

dra h par soy, pour luy en mander toutes nouvelles bien au long, et le plus tost qu'il luy sera possible. Item, dire à ces dames et damoyselles qu'elles n'oublient pas leurs touretz de nez quand elles yront par la ville; car ilz sont bien bons pour se rire et mocquer de plusieurs choses que l'on voit, sans que le monde s'en aperçoive. Item, advertir ces jeunes filles qu'elles ne faillent pas d'arrouser leurs violettes devers le soir, quand il fera seicheresse, et qu'elles ne se voisent pas coucher de si bonne heure qu'elles n'ayent receu et donné le bon soir à leurs amys; et qu'elles se donnent bien garde de se coiffer sans miroir, et qu'elles apprennent et recordent souvent toutes les chansons nouvelles; qu'elles soyent gracieuses, courtoises et amyables aux amans; qu'elles ayent plusieurs Ouyz aux yeulx, et force Nennyz en la bouche, et que sur tout elles se facent bien prier; à tout le moins, que par leurs dictz elles ne viennent point si tost à declairer leur volunté, ains qu'elles la dissimulent le plus qu'elles pourront, pour ce que c'est tout le bon, la parolle faict le jeu. » Bien, il n'y aura point de faulte, si je treuve Cupido. Encores des commissions? Ha! c'est ma dame Minerve. Je cognois bien son escripture. Certes, je ne luy vouldroye faillir, pour perdre mon immortalité. « Mémoire à Mercure

de dire aux poètes, de par Minerve, qu'ilz se déportent de plus escrire l'ung contre l'autre, ou elle les desadvouera, car elle n'en ayme ny appreuve aucunement la façon; et qu'ilz ne s'amusent point tant à la vaine parolle de mensonge qu'ilz ne prennent garde a l'utile silence de vérité; et que s'ilz veullent escrire d'amour, que ce soit le plus honestement, chastement et divinement qu'il leur sera possible , et à l'exemple d'elle. Davantage, sçavoir si le poète Pindarus a riens encores mis en lumière, et recouvrer tout ce qu'il aura faict, et apporter tout ce qu'il pourra trouver de la façon des painctres Apelles, Zeuxis, Parrasius et aultres de ce temps, mesmement touchant le faict de broderie, tapisserie et patrons d'ouvrages à l'esguille. Et advertir toute la compagnie des neuf Muses qu'elles se donnent bien garde d'ung tas de gens qui leurs font la court, faisans semblant les servir et aymer; mais ce n'est que pour quelque temps, afin qu'ilz acquerent bruyt et nom des poètes, et que, par le moyen d'elles (comme de toutes aultres choses dont ilz se sçavent bien ayder), ilz puissent trouver accès envers Plutus, pour les richesses duquel elles se sont veu souvent estre mesprisées et abandonnées, dont elles devroyent bien estre sages doresenavant. » Vrayement, madame Minerve, je le

feray pour l'amour de vous. Qui est cestuy là qui vole là? Par dieu! je gage que c'est Cupido. Cupido!

Cupido. Qui est ce là? Hé! bon jour, Mercure. Est ce toy? et puis, quelles nouvelles? Que se dict de bon là hault en vostre court céleste? Jupiter est il plus amoureux?

Mercure. Amoureux, de par le diable! il n'a garde pour le présent, mais la mémoire et souvenance de ses amours luy torne maintenant en grand ennuy et fascherie.

Cupido. Comment donc?

Mercure. Pource que ces paillars humains en ont faict ung livre, lequel, de maie adventure, je luy ay apporté au lieu- du sien, où il regardoit tousjours quant il vouloit commander quel temps il devoit faire, lequel j'estoye allé faire relier; mais il m'a esté changé. Je m'en voys pour le faire crier à son de trompe, affîn que, s'il y a quelcun qui l'ayt, qu'il le rende. Il m'en a bien cuidé manger.

Cupido. Il me semble que j'ay ouy parler d'ung livre le plus merveilleux que l'on vit oncques, que deux compagnons ont, avec lequel (ainsi qu'on dict) ilz disent la bonne adventure à ung chascun, et sçavent aussi bien deviner ce qui est à venir que jamais fit Tyresias ou le chesne de