ODE XXIII

Ta seule vertu reprend Le vieil Ascrean qui ment, 3 Quand il dit que la Justice, La Pitié, le saint Amour Ont quitté ce bas séjour, 6 Abhorrant nostre malice.

Car icy bas j'apperçoy Toutes ces vertus en toy:

9 J'en ay fait la seure espreuve.

Il n'y a foy n'amitié, Honneur, bonté ny pitié, 12 Qui dedans toy ne se treuve.

Qui dira donq, Charbonnier, Que ce vieil s'ecle dernier 15 Où Dieu l'ame t'a donnée,

Soit de fer, puis qu'aujourd'huy Par toy Ion revoit en luy 18 La saison d'or retournée?