ODE XXIIII

Laisse moy sommeiller Amour I Ne te suffist-il, que de jour

Les yeux trop cruels de ma Dame 4 Me tourmentent le corps et l'ame,

Sans la nuict me vouloir ainsi

Tourmenter d'un nouveau souci,

Alors que je devrois refaire 8 Dans le lict, la peine ordinaire

Que tout le jour je souffre au cœur?

Helas 1 Amour plein de rigueur.

Cruel enfant, que veux-tu dire?

12 Tousjours le vautour ne martire Le pauvre cœur Promethean Sus le sommet Caucasean, Mais de nuict recroistre il le laisse,

16 Afin qu'au matin s'en repaisse.

Mais tu me ronges jour et nuit, Et ton soin qui tousjours me suit, Ne veut que mon cœur se reface:

20 Mais tousjours tousjours le tirace, Ainsi qu'un acharné limier Tirace le corps d'un sanglier.

Chacun dit que je suis malade,

24 Me voyant la couleur si fade Et le teint si morne et si blanc, Et dit-on vray: car je n'ay sang En veine, ny force en artère:

28 Auisi la nuict je ne digère, Et mon souper me reste cru Dans l'estomac d'amours recru.

Mais Amour, j'auray la vengeance

32 De ta cruelle outrecuidance,

Quittant ma vie: et si je meurs, Je seray franc de tes douleurs:

Car rien ne peut ta tyrannie

36 Sus un corps qui n'a plus de vie.

52 P. de Ronsard. [48 .—XX