ODE XXV

Du malheur de recevoir

Un estranger sans avoir

De luy quelque cognoissauce, 4 Tu as fait experiance

Menelas, ayant receu

Paris dont tu fus deceu :

Et moy je la viens de faire, 8 Qui ore ay voulu retraiie

Sottement un estranger

Dans ma chambre, et le loger.

Il estoit minuict, et 1' Ourse

12 De son char tournoit la course

Entre les mains du Bouvier,

Quand le somme vint lier

D'une chaine sommeilliere 16 Mes yeux clos sous la paupière.

Ja je dormois dans mon lit

Lors que j'entr'ouy le bruit

D'un qui frappoit à ma porte, 20 Et heurtoit de telle sorte

Que mon dormir s'en-alla:

Je demanday, qu'est-ce là

Qui fait à mon huis sa plainte?

24 Je suis enfant, n'aye crainte,

Ce me dit-il, et adonc

Je luy desserre le gond

De ma porte verrouillée.

23 J'ay la chemise mouillée

Qui me trempe jusqu'aux oz,

Ce disoit, dessus le doz

Toute nuict j'ay eu la pluie:

32 Et pource je te supplie

De me conduire à ton feu

Pour m'aller seicher un peu.

!. — 491 II. Livre des Odes. 53

Lors je prias sa main humide, 36 Et plein de pitié le guide

En ma chambre, et le fis seoir

Au feu qui restoit du soir:

Puis allumant des chandelles, 40 Je vy qu'il portoit des ailes,

Dans la main un arc Turquois,

Et sous l'aisselle un carquois.

Adonc en mon cceur je pense 44 Qu'il avoit quelque puissance.

Et qu'il falloit m'apprester

Pour le faire banqueter.

Ce-pendant il me regarde 48 D'un œil, de l'autre il prend garde

Si son arc estoit seiche:

Puis me voyant empesché

A luy faire bonne chère, 52 Me tire une flèche amere

Droit dans l'œil, et qui de là

Plus bas au cœur devaia :

Et m'y fist telle ouverture, 56 Qu'herbe, drogue ny murmure

N'y serviroient plus de rien.

Voila Revergat. le bien,

(Mon Revergat qui embrasses 60 L'heur des Muses, et des Grâces)

Le bien qui m'est survenu

Pour loger un incognu.