Cf. Bu//., t. XXXII, p. 402 et t. XLVIT, p

nous haïssent tant en vostre conseil que ez courtz de parlements, qui sont ceulx mesmes qui vous animent contre nous et vous font sonner aux oreilles qu'on veult venir aux mains, se faisans fortz de nous donner tant de traverses qu'en fin ilz nous feront perdre patience. Cela pourtant ne nous esmeut à sortir des bornes du debvoir. Nous nous tenons aux voies doulces, nous abhorons le contraire, nous ne désirons poinct autre protecteur que vous. C'est à vous de retenir toujours ceste qualité là en nostre endroit, nous deffendant contre ceulx qui nous veullent mal et nous establissant un»- tel repos que nous n'aions plus à songer aux moiens de subsister.

Votre Majesté, Sire, continue tousjours à nous porter bonne volunté, nous le sçavons, mais les effects d'icelle sont empeschez tous les jours. C'est à ces empeschemens là que l'on cerche remède, et pourtant nous croions fermement, nous unissans bien solidairement pour arrester le cours de nostre ruyne, nous faisons vostre service plus que sy nous estions l'espée à la main affrontez à l'EspaignoP. La conservation de ceulx de la Relligion vous importe, Sire. Vous ne trouverez poinct encores en votre royaulme plus de fidélité, d'obéissance et de courage qu'en eulx^, et pleust à Dieu qu'aiant cy devant pourveu à leurs justes plainctes vous les eussiez estimez dignes de garder ung Calais ou ung Ardres. Ils ne se fussent point plus mal portez qu'ils ont faict du tems d'autrefois soubz votre prudence et heureuse conduite.

Le mal croist tousjours. On ne nous tient en France que comme la lie du peuple. Nous y vivons sans credict, intéressez en l'exercice de notre relligion et en la justice de ce qui est de nostre seureté. Ces griefz qui ne sont en une province seule mais en toutes, ont tellement touché le cœur de tous en nostre temps, qu'on se résoult de s'appuier pour pouvoir demeurer debout, sans s'attendre à l'espoir de se rellever quand on sera par terre. La trefve de l'an V'^ IIIP" neuf^ nous autorize pour cest efFect de garder toutes les places que nous tenons. La promesse de Votre Majesté faicte à nos depputez de Saincte Foy nous y convie. A quoy est conjoincte une très forte raison, asçavoir que nous sommes perduz et la proie de nos ennemys si nous les quictons.

Je vous diray doncques franchement, Sire, qu'on s'est résolu de n'en lascher une seulle, mais de les garder et entretenir à quelque prix que ce soit jusques à ce que par ung lettre de édict