A 48 ans, en i576. Elle mourut en

ombrage ; ny elle-mesme n'entra qu'une fois dans la ville, pour la voir. Son séjour de là devant fut de sept à huict jours, en attandant le beau temps. Son plus beau et honneste exercice estoit que, les matins, sortant de sa gallère (car elle y couchoit ordinairement), s'en alloit le lendemain ouïr la messe et l'office en l'église de Sainct-Victor, avec une trèsardante dévoction : et puis son disner luy ayant esté porté et apresté dans Tabbeye, elle y disnoit; et puis après disner devisoit, avec ou ses femmes ou les siens, ou avec messieurs de Marceille, qui luy portoient tout l'honneur et révérance qu'il estoit deub à une si grande princesse, ainsi que le roy leur avoit commandé de la recevoir comme sa propre personne, en récompance du bon recueil et bonne chère qu'elle luy avoit fait à Vienne. Aussi s'en aperceut-elle bien ; et, pour ce, parloit-elle avec eux fort privément, et se monstroit à eux très-famillière, plus à l'allemande et à la françoise, qu'elle ne faisoit à l'espaignolle : si bien qu'eux estoient très-contans d'elle, et elle d'eux, ainsi qu'elle le sceut bien escrire au roy et l'en remercier, jusques à luy mander que c'estoient d'aussi honnestes gens qu'elle en avoit jamais veu en ville; et en nomma quelques vingtz à part , comme M. Castellan , dit le seigneur Altyvity, capitaine de gallères, et celluy assez signallé pour avoir espousé la belle Chasteauneuf de la court, et avoir tué le grand-prieur, et luy aussi tué avec luy, comme ailleurs j'espère dire. Ce fut sa femme mesmes qui me raconta ce que je dis; et me discourut des perfections de ceste grande princesse, et comme elle trouvoit le séjour de Marceille très-beau,

et l'admiroit, et Pentretenoit fort en ses pourmenades: et, le soir venu, ne failloit d^aller coucher en gallères, pour quant le beau temps ou le bon vent s'esleva, tout au coup faire voyle aussitost, ou fust qu'elle ne vouloit rien umbrager^ J'estois lors à la court quand on racontoit ces nouvelles au roy de sa passade, qui estoit fort en inquiétude si on l'avoit bien receue, et comme elle devoit estre, et luy le vouloit. Geste princesse vit encores et se contient en ses belles vertuz; et a servy beaucoup le roy son frère, à ce qu'on m'a dit. Elle s'est retirée despuis^ pour son dernier séjour et habitation en une reliîgion de femmes relligieuses, qu'on appdtte descalçadas^ y parcequ'elles ne portent ne souUiers, ne chausses ; et la princesse d'Espaigne sa sœur* la fonda. Geste princesse d^Espaigne a esté une très-beile princesse, et de très-aparante majesté : aussi ne seroit-elle pas espaignolle princesse*; car, voluntieis, la belle aparance et bonne grâce accompaigne tousjours la majesté, et surtout l'espaignolle. J ay eu cest honneur de l'avoir veue, et parlé à elle assez privément, estant en Espaigne retourné de Portugal. Ainsi que j'estois allé la première fois faire la révérance à nostre reyne Elizabeth de France, et que je devisois avec elle, me demandant force nouvelles et de France et de Portugal, on vint dire à la reyne que