Busquer^ chercher; de l'espagnol buscar

484 GRATfDS CAPITAINES ESTRANGERS.

révoltez et emparez quasi de toutes les villes de Flandre; et falloit nommëment qu'ilz eussent la citadelle d'Anvers; car leur révolte et victoire demeuroit manque. Ayant donc assemblé plusieurs grandes forces, la vindrent assiéger, la ville tenant pour euK, et battre fort furieusement, et la tenir fort à ^estroict^ Il pouvoit avoir dedans quelques douze cens braves Espaignolz, qui tous avec leur général ne s'estonnarent nullement, firent très bien teste.

Par cas (comment à quelque chose sert le malheur et le désordre!), quelques quinze cens soldats espaignolz peu paradvant s'estoient amutinez pour leurs payes et s'estoient saisis de la ville de Lost', où ilz faisoient le diable. Eux, oyans le bruict des canonnades qne l'on tiroit (car Lost n'en estoit qu'à cinq lieus) à leurs compagnons, et scachant comme ilz estoient fort à l'estroict et sarrez, touchez d'une ambitieuse charité envers leurs compagnons, et d'une craincte qu'il leur fust reproché de les laisser perdre à faute de leur secoiurs, vont prendre tous par un matin résolution de les aller secourir, quand bien ilz devroient tous mourir. Parquoy tous sortent de leur ville, et jurent tous qu'ilz ne boiroient ny ne mangeroient qu'ilz n'eussent entré dans la citadelle, combattu et chassé l'ennemy qui la tenoit assiégée. Ilz ^ marchent donc très déterminez, chascun prenant sa fassine en la portant sur un' espaulie, et sur l'autre rharquebuz ou la picque; et pour plus grande bravade, ou plus tost pour présage de victoire, chascun print

i. En i576.