TOME I

clairement que ce fust le bien honneur et augmentation de l’Ordre vouloit entrer en dict Ordre, le nombre non accomply, en celuy cas le sénateur accompagnié de dix autres Clieualiers et Escuyers d’iceluy Ordre au moings le pourrons recevoir ayant toutesfois regard et aduis que ceux qu’ils recepuroient fussent tels qu’ilz n’eussent charges ou repressention au prochain chapitre des autres Clieualiers et Escuyers dudict Ordre pour lors absens de les avoir reccuz.

Item — Quand aucune congrégation et assemblée se fera entre les Cheualiers et Escuyers dudict Ordre, chacun d’eux sera tenu d’auoir et porter son Croissant soubz le bras dextre.

Item — Il y aura un Cheualier ou Escuyer chef dudict Ordre pour l’année qu’il sera eslcu qui se dira et appellera sénateur, et le jour et feste de monseigneur saint Maurice, se élira par voix et élection commune desdicts Clieualiers et Escuyers et par la plus part d’icelle et tous autres Clieualiers Escuyers officiers, supposts jurez et incorporez dudict Ordre, lui obéiront et porteront honneur et reverence, et en toutes et chacune les choses touchans concernans et regardans ledict Ordre sa voix aura lieu pour deux.

Item — Outre aura prerogatiue et proéminence quand aucune congrégation et assemblée desdicts Cheualiers et Escuyers se fera de aller tout seul derrière, et en outre recevra personnellement ou fera recepuoir en son absence par un ou plusieurs de l’Ordre ses commis et députez ayans pouuoir à ce par ses lettres patentes scellées du scel de l’Ordre, le serment des autres Cheualiers et Escuyers qui entreront audict Ordre, certifiant par sesdictes lettres que c’est par la voix et élection d’iceux Cheualiei-s et Escuyers, et outre présidera en conseil et assemblée desdicts Cheualiers et Escuyers, conclura et ordonnera les appointements.

Item — Lequel sénateur a sa première entrée promettera et jurera à Dieu, et aux saints Evangiles les choses cy apres déclarées, c’est a scavoir de uaquer et entendre principalement et sur toutes autres choses à tout ce que sera le bien honneur et augmentation dudict Ordre.

Item — D’avoir en amour et dilection tous et chacun les Cheualiers, Escuyers, officiers jurez et incorporez dudict Ordre, sans décliner en faueur plus auant a l’un qu’a l’autre, pour amour, crainte ou affection particulière.

Item — Aussy jurera les tenir en bonne fraternité punir et corriger selon les cas qui pouront aducnir et au surplus faire et accomplir toutes les ceremonies et le contenu ès articles de la fondation dudict Ordre, ainsi qu’il appartient a son office et qu’en icelle est particulièrement déclaré.

Item — Que à son pouuoir il sera ententif et soigneux a penser considéré*' et executer ce qu’il uerra et cognoistra estre utile et profitable pour ledict Ordre et qu’il n’entreprendra durant ladicte année charge commission ou voyage par laquelle il ne puisse uaquer et entendre à exercer ledict office de sénateur sans le sceu de la plus part desdicts Cheualiers et Escuyers dudict Ordre que possible luy sera.

Item — Se il advenoit que le sénateur chief dudict Ordre trepassast de ce ciecle en l’autre ou allast hors en aucun lointain pays pour aucunes ses affaires durant le temps qu’il sera sénateur, en ce cas le plus ancien créé en l’Ordre de tous iceux Cheualiers et Escuyers sera en son lieu, et exercera ledict office de sénateur jusques a ce que autrement en soit ordonné par lesdicts Cheualiers et Escuyers, lequel aura telle et semblable puissance qu’avoit ledict sénateur.

Item — Apres y aura un autre officier dudict Ordre qui sera archevesque evesque ou autre notable homme constitué en dignité d’eglise cathedralle ou collegialle , docteur en théologie ou gradué en science qui sera chapelain et conffesseur dudict Ordre, lequel sera a uie se il ne faisoit cas si deshonneste parquoy on l’en deust priuer et débouter, ayant pension chacun an dudict Ordre.

Item — Et jurera les choses cy apres déclarées, c’est a scavoir d’aimer et honorer ledict Ordre et procurer et nourir à son loyal pouuoir amour et

dilection fraternelle entre les Cheualiers et Escuyers jurez et incorporez de l’Ordre et éviter entre eux division et schisme ou mal talent.

Item — Aussy de tenir secrets tous les faicts dudict Ordre qui viendront a sa cognoissance et qui seront a celer.

Item — D’avoir en son memento mémoire et souuenance de l’Ordre et des Cheualiers et Escuyers d’iceluy et par especial de dire et célébrer par chacune sepmaine, ou cas qu’il n’auroit exoine ou excuse légitimé une messe à l’honneur de monseigneur S. Maurice, chief et patron dudict Ordre sa vie durant ou quel cas il la fera dire par un autre chapelain, et et au surplus faire pour le bien et augmentation dudict Ordre et les Cheualiers Escuyers et chacun d’iceux comme pour luy-mesme.

Item — Y aura un chancelier ayant quelque degré en science qui sera nommé et esleu en congrégation et chapitre general desdits Cheualiers et Escuyers, il ne portera point l’ordre, mais sera juré et incorporé d’iceluy et sera du conseil, lequel aura en garde le grand scel dudict Ordre.

Item — Ledict chancelier proposera et mettra en termes entre les Cheualiers et Escuyers de l’Ordre les choses qui seront aduisées d’expedier pour le bien honneur et profict dudict Ordre et les opinions desdicts Cheualiers et Escuyers recitera faisant outre toutes autres choses appartenant à son dict office , et sera à vie ayant pension de l’Ordre.

Item — Et jurera ledict chancelier apres l’election faicte de sa personne , les points et articles cy dessus escripts. Premièrement de tenir et avoir en toute amour dilection honneur et reverence les Cheualiers et Escuyers dudict Ordre, de tenir la main sur toutes choses au bien honneur et augmentation d’iceluy, et bien loyaument exercer son office de chancelier.

Item — D’estre obéissant au sénateur chief dudict Ordre en toutes et chacunes les choses qui par luy et autres de l’Ordre sont et seront advisées conclues et passées a l’honneur et bien dudict Ordre, sans jamais aller a lencontre.

Item — Jurera de tenir secret et non reueller a nully se il n’est de faire ce que sera conclud et aduisé ès conseils dudict Ordre, selon que au cas appartiendra et que les conclusions en seront prinses et au surplus faire et exercer bien loyaument et diligemment a son pouuoir ledict office de chancelier.

Item — On sellera toutes lettres clauses et patentes touchant ledict Ordre de cire vierge blanche pour réputation de la pureté dudict S. Maurice et ès lettres patentes sera le grand scel pendant à un las de soye vermeil en l’honneur du martyr d’iceluy sainct et le contre scel sera des armes de celuy qui sera sénateur pour celle année.

Item — Un autre officier y aura audict Ordre c’est ascavoir un vichancelier lequel tiendra le lieu du chancelier et en son absence aura telle ou semblable puissance que auroit ledict chancelier se il estoit présent, et mesmement chargé de recueillir les requestes et supplications présentées à l’Ordre pour icelle faire expedier en conseil, lequel fera pareil serment dudict chancelier.

Item — Apres ledict vichancelier y aura un autre officier audict Ordre appellé trésorier, lequel aura la charge de la recepte, fondation et dotation qui se feront en iceluy Ordre, et aussy des dons legs et augmentations et bienfaicts d’iceluy , lesquels il recepura et fera venir ens bien et diligemment à son pouuoir, et en outre payra les autres officiers de l’Ordre frais mises et despenses touchant ledict Ordre selon l’ordonnance qui sur celuy en sera faicte, dont il rendra bon et loyal compte, chacun an au chapitre dudict Ordre, deuant le sénateur ou ses commis et autrement fera ce que par lesdictz Cheualiers et Escuyers de l’Ordre luy sera commandé et ordonné.

Item — Lequel trésorier se élira par la voye et maniéré que sera esleu le chancelier, apres laquelle eslection faicte, il jurera les choses cy apres déclarées, c’est a scavoir de faire et exercer loyaument et diligemment à son pouuoir l’office de trésorier dudict Ordre, et de faire et procurer en

toutes maniérés ce qu’il scaura estre au bieu honneur et augmentation d’iceluy.

Item — D’ estre obéissant au sénateur chief dudict Ordre en toutes et chacunes les choses qui par luy et d’autres de l’Ordre sont et seront aduisées conclues et passées au bien et honneur de l’Ordre sans jamais aller a lencontre et auoir en tout honneur et reverence les Clieualiers et Escuyers d’iceluy.

Item — Jurera de tenir secret et non reueler a nully se il n’est de faire ce qui sera aduisé et conclu ès conseil et deliberations de l’Ordre selon que au cas appartiendra et que les conclusions en seront prises.

Item — Apres luy sera un autre officier audict Ordre, idoine et suffisant, esleu en chapitre general desdicts Clieualiers et Escuyers , nommé greffier assermenté et juré dudict Ordre mais il ne le portera point et sera office a vie ayant pension de l’Ordre, lequel fera l'office de secrétaire et registrera et mettra par escript en liures et chroniques a ce ordonnez tous les chans faicts et vaillances des Chuvaliers et Escuyers de l’Ordre avec les appoinctemens et conclusions prinses ès conseils dudict Ordre ; mesmement aura la garde des chapitres, livres cathernes et du petit seel des lettres closes d’iceluy Ordre.

Item — Ledict greffier jurera de tenir leurs conseils secrets et non les révéler a nulle personne sans leur congé et licence de véritablement et loyaument et diligemment a son pouuoir mettre et registrer par escript tous les hauts faicts et louanges dignes de mémoire de ceux dudict Ordre avec les conclusions et deliberations en leurs dietz conseils bien et deuement a son pouvoir.

Item — De obéir au sénateur et chancelier de l’Ordre ès choses qu’ils ordonneront touchant ledict office, aussy de avoir en honneur etreuerence les Cheualiers et Escuyers d’iceluy Ordre et de tout son pouuoir augmenter et accroistre le bien de l’Ordre.

Item — Apres sera aiidict Ordre un autre officier nommé Roy d’armes , qui aura nom Los et portera pour esmail un Croissant de camaille, dedans lequel seront les armes de monseigneur sainct Maurice, et dessous ledict Croissant les armes de celuy qui sera sénateur pour l’année, et sera sa cotte d’armes dudict sainct, lequel Roy d’armes sera office a vie, se il ne se forfesoit et aura pension dudict Ordre par an , et sera nommé par la voix et élection desdicts Cheualiers et Escuyers.

Item — Ledict Roy d’armes jurera de bien et diligemment en querre des haults faicts vertus et louanges de ceux de l’Ordre et de les reueler véritablement au greffier dudict Ordre , pour estre registrez ès chroniques raison est, fera ou fera faire bien, et diligemment les ambassades et messageries qui luy seront commises et ordonnées de par le sénateur et autre dudit Ordre , et autrement exercera les faicts de son office bien et loyaument.

Item — Apres y aura un poursuyuant appelé Croissant subject et obéissant au Roy d’armes, et pareillement portera les armes de monseigneur S1 Maurice et sa cotte d’armes aussy et soubs le Croissant portera les armes du sénateur, lesquelles il aura de la part que les ont les autres poursuyuans, lequel poursuyuant prendra la moitié d’autant de pension que aura ledit Roy d’armes, et sera office a vie et jurera d’exercer loyaument son office.

Item — A chacune feste de Monseigneur S1 Maurice , les Cheualiers et Escuyers dudict Ordre porteront tous manteaux longs jusques aux pieds, c’est a scavoir les princes de velours plain cramoisy fourrez d’hermine, les autres Cheualiers auront manteaux de velours fourrez de letices ou menu vair, et les Escuyers porteront manteaux de satin cramoisy jusques aux pieds, lesquels seront fourrez de menu vair et dessoubz desdites manteaux auront tous robbes longues de damas gris, celle des Cheualiers fourrez de gris, et les autres des Escuyers fourrez de menu vair, et sur leur tête tous porteront chappeaux doublés et couverts de velours noir, mais ceux desdits Cheualiers seront bordez d’une recte d’or et ceux des Escuyers

d’une recte d’argent, et est a entendre qu’iceux Cheualiers et Escuyers debueront porter lesdicts manteaux la vigille aux vespres de ladicte feste de saint Maurice et le lendemain a la messe et aux vespres.

Item — Est ordonné que quand quelque grand seigneur ou prince requereroit et demanderoit estre de l’Ordre et que aucun desdicts Cheualiers et Escuyers fust commis par le sénateur pour aller receuoir les sermens de luy en ce cas seulement celuy ou ceux desdicts Cheualiers et Escuyers ainsi commis portera ledit manteau durant la réception desdicts sermens.

Item — S’il advenoit que au dedans de quarante jours enuiron ladicte feste que les pere et mere ou la femme espouse de aucun desdicts Cheualiers et Escuyers fust allée de vie a trespassement , en celuy cas s’il ne ueut il ne se trouuera point a ladicte assemblée et s’il s’y trouuoit il porteroit son manteau noir de viduité long jusques aux pieds sans porter celuy de crasmoisy.

Item — Le chancelier du dict Ordre portera un manteau long d’escarlatte jusques aux pieds fourré de menu vair et sur sa teste et que bon luy semblera et pareillement le vice chancelier d’iceluy Ordre.

Item — Le Trésorier de l’Ordre sera habillé d’une robbe longue d’escarlatte fourrée du dict menu vair et aura une gibeciere au costé.

Item — Le greffier du dict Ordre portera robbe longue d’escarlatte jusques en terre fourrée de menu vair, et sur la teste aura un chaperon.

Et quand viendra au jour du chapitre general qui sera tenu la feste de Monseigneur S. Maurice, que tous les Cheualiers et Escuyers du dict Ordre seront assemblez dès la vigille deuant a heure de vespres, ils se rendront tous a l’hostel dudit sénateur et de la s’en iront a l’eghse ouir les vespres en telle ordonnance comme il sensuit:

Et premièrement le poursuyuant ayant vestu sa cotte d’armes ira tout

(Bibliothèque de l'Arsenal.)

l*lk (<*min rt Laiirsr .Irtyrrr

seul le premier, apres le dict poursuyuant ira le greffier tenant en sa main par escript les ceremonies de l’Ordre. Apres le greffier ira le trésorier, et apres luy iront le chancelier a la main droicte et a l’honneur, et le vice-chancelier a la main senestre. Et apres eux iront tous les Cheualiers et Escuyers de l’Ordre deux a deux selon qu’ils seront plus nouuellement creez en l’Ordre, sans auoir nul egard a leurs noblesse, haulteur de lignage grandeur de seigneurie, offices, richesses ou autrement, ne qui sera Cheualier ou Escuyer, et se ils estoient non pair, ils iront trois en ordre au premier rang. Apres eux, et deuant le sénateur ira le roy d’armes vestu de sa cotte d’armes pour démontrer l’autliorité et prominence d’iceliiy sénateur et apres eux tous ira le sénateur seul apres lequel seront Cheualiers et Escuyers et tous autres gens qui seront la pris.

Et en telle ordonnance s’en iront les dicts Cheualiers et Escuyers dedans l’eglise et la se assiéront par ordre ; mais le dict sénateur sera assis seul a l’honneur et au plus digne lieu , et les chancelier vichancelier trésorier et greffier seront en quelque autre siégé a part au costé du sénateur, et de l’autre sera le roy d’armes, et le dict poursuyuant sera près le dict sénateur sur pied pour faire ce qu’il ordonnera, au derrière du quel sénateur y aura un drap de brodure ou seront les armes de monsieur S1 Maurice et l’escu des siennes au milieu; puis feront chanter le dict sénateur, Cheualiers et Escuyers les vespres du dict saint.

Lesquelles vespres dites s’en retpumeront a l’hostel du sénateur en telle ordonnance qu’ils auront esté au venir et la souperont tous ensemble et sera le dict sénateur au bout de la table a l’honneur et serui a couuert et nul quelconque autre non.

Le lendemain jour et feste de monsieur sainct Maurice a heure de la grand messe iront tous les Cheualiers Escuyers et autres du dict Ordre par l’ordonnance dessus dicte a l’eglise et en tel habit qu’ils auront esté aux dictes vespres, et eux venus en l’eglise feront dire la grande messe du dict sainct le plus solemnellement que faire se pourra.

Et quant il sera l’heure d’aller a l’offerte le poursuyuant baillera au