PSEAUME XCI

Qui habitat in adjutorio Altissimi.

Le prophète chante en quelle seureté vit, et de combien de maulx est exempté celuy qui d'une ferme fiance se submet du tout à Dieu.

Qui en la garde du hault Dieu

Pour jamais se retire, En umbre bonne et en fort lieu

Retiré se peult dire.

Concludz donc en l'entendement Dieu est ma garde seure.

Ma haulte tour et fondement Sur lequel je m'asseurc.

Car du subtil las des chasseurs,

Et de toute l'oultrance De pestiférés oppresseurs Te donra dclivrnnce.

CLÉMENT AI A ROT à

De ses pluraet te coavrira ;

Seur seras sonbz son esle ; Sa deffense te servira

De targe et de rondelle,

Si que de noict ne craindras point.

Chose qui espouvente.

Ne dard, ne sagette qui poinct.

De jour, en l'air volante :

N'aucune peste cheminant.

Lors qu'en ténèbres sommes, Ne mal soudain exterminant

En plein midy les hommes.

Quant à ta dextre il en cherroit

Mille, et mille a senestre, Leur mal de toy n'approcheroit.

Quelque mal que puisse estre.

Ains, sans effroy, devant tes yeolx

Tu les verras deffaire.

Regardant les pernicieux

Recevoir leur salaire.

Et tout pour avoir dit à Dieu :

« Tu es la garde mienne, * Et d'avoir mis en si hauh lieu

La confiance tienne.

Malheur ne te viendra chercher,

Tien le pour chose vraye.

Et de ta maison approcher

Ne pourra nuil. playe.

Car il fera commandement

A ses anges trèsdignes De te garder songneusement,

Quelque part que chemines.

======================== PSAUMES

Par leurs mains seras soubzlevé

Afin que d'aventure Ton pied ne choppe et soit grevé

Contre la pierre dure.

Sur lyonceaux et sur aspics,

Sur lyons pleins de ra^e, Et sur dragons qui valent pis,

Marcheras sans dommage.

Car voicy que Dieu dit de toy :

« D'ardante amour m'honore ; Garder et secourir le doy.

Car mon Nom il adore.

S'il m'invoque, l'exaulceray :

Aussi pour le deffendre En mal temps avec luy seray :

A son bien veulx entendre,

Et faire de ses ans le cours

Tout à son désir croistre :

En effect, quel est mon secours

Je lui feray congnoistre. »