I.K PhKMIER

Ma foy, je ne mentiray ja.

Je n'ose toucher son teton ; Mais je la prcns par le menton.

Et tout premièrement la baise.

LE SECOND Ventre saiuct gris ! que tu es aise, Compaignon d amours.

LE PREMIER

Par ce corps, Quant il fault que J'aille dehors, Si tost qu'elle en est advertie, Et que c'est loing, ma départie La faict pleurer comme un oignon-

LE SECOND

Je puisse mourir, corapaignon.

Je croy que tu es plus heureux Cent foys que tu n'es amoureux.

O le grand' aise en quoy tu vis !

Mais pourquoy est-ce, à ton advis, Que la mienne m'est si estrange, Et qu'elle prise moins que fange Ma peine et moy et mon pourchas !

LE PREMIER

C'est signe que tu ne couchas Encores jamais avec elle.

LE SECOND Corps bien ! tu me la bailles belle ! J'en devinerois bien autant.

Or si poursuyvray je jjourtant La chasse que j'ay entreprinse :

Car tant plus on tarde à la prinse, Tant plus doulx en est le repos.

-^ uiaLulj L/£

LE PREMIER

Une chanson avec propos N'auroit point trop maulvaise grâce ; ^ Disons la.

LE PREMIER

La dirons nous grasse De mesme le jour?

LE SECOND

Rien quelconques :

Honneur par tout. Commençons doncques.

LE SECOND Languir me fais, content désir-,

LE PREMIER A telles ne prens point plaisir ; Elles sentent trop leurs clamours.

LE SECOND Disons doncques : Puis qu'en amours.

Tu la dis assez vouluntiers.

LE PREMIER

Il est vray, mais il fault un tiers, Car elle est composée à trois.

UN QUIDAM Messieurs, s'il vous plaist que j'y sois, Je serviray d'enfant de chœur.

Car je la scay toute par cueur :

Il ne s'en fault pas une notte.

LE SECOND

Bien venu, par saincte Penotte !

Sois, mignon, le bien arrivé.

LE PREMIER

Luy siet il bien d'estre privé ?

Chantez vous clair ?