CHAPITRE XLVI

Comment Gargantua assaillit Picrocholc dedans la Roche Clermaud, et deflt l'armée dudit Pierocliole.

Gargantua eut la charge totale de l'armée : son père démolira en son fort. Et, leur donnant courage par bonnes paroles , promit grands dons à ceux qui feroient quelques prouesses.

Puis gaignerent le gué de Vede, et, par basteaux et pons legierement faits, passèrent oultre d'une traicte. Puis, considérant l'assiette de la ville, qu'estoit en lieu haut et advantageux, délibéra celle nuyt sus ce qu'estoit de faire. Mais Gymnaste luy dist : Seigneur, telle est la nature et complexion des François, qu'ilz ne valent qu'à la première pointe. Lors îlz sont pis 1 que diables. Mais, s'ilz séjournent, ilz sont moins que femmes. Je suis d'advis que à l'heure présente, après que vos gens auront quelque peu respiré et repeu, faciez donner l'assault.

L'advis fut trouvé bon. Adonc produict toute son armée en plein camp, mettant les subsides2 du costé de la montée. Le moine prit avec soy six enseignes de gens de pied, et deux cens hommes d'armes : et, en grande diligence, traversa les marais, et gaigna au dessus le puy, jusques au grand chemin de Loudun. Ce pendant l'assault continuoit; les gens de Picrochole ne savoient si le meilleur estoit sortir hors et les recevoir, ou bien garder la ville sans bouger. Mais furieusement sortit avec quelque bande d'hommes d'armes de sa maison, et là fut receu et festoyé à grands coups de canon qui gresloient devers les cousteaux, dont

1 Plus, édit. 1535. Pires, F. J. | 9 La réserve.