LIVRE I), CHAPITRE XXIV

Moy, dist Epistemon, je sçay tous les stratagemates et prouesses des vaillans capitaines et champions du temps passé, et toutes les ruses et finesses de discipline militaire; je iray, et, encores que fusse descouvert et décelé, j'eschapperay, en leur faisant croire de vous tout ce que me plaira : car je suis de la lignée de Sinon1.

Moy, dist Eusthenes, entreray par à travers leurs tranchées, maulgré le guet et tous les gardes, car je leur passeray sur le ventre, et leur rompray bras et jambes, et fussent ilz aussi fors que le diable; car je suis de la lignée de Hercules.

Moy, dist Carpalim, j'y entreray si les oiseaux y entrent : car j'ay le corps -tant allaigre que j'auray saulté leurs tranchées, et percé oultre tout leur camp, devant qu'ilz m'ayent apperceu. Et ne crains ny traict, ny flesche, ny cheval tant soit legier, et fust ce Pégase de Perseus 2, ou Pacolet3, que devant eux je n'eschappe gaillard et sauf. J'entreprends de marcher sus les espiz de bled, sur l'herbe des prés, sans qu'elle fléchisse dessous moy; car je suis de la ligné-e de Camille Amazone *.

1 Grec qui fit pénétrer par ruse ses compatriotes dans Troie.

2 Apollodore, IL 3.

3 Pacolet est le nom d'un che-

val fantastique dans le roman de Vaîentin et Orson.

k llla vel intacts segetis per surarna volaret

Gramina, nec tenues cur?u laesisset aristas.

Virg. Enéid., 1. VII, y. 808.

442 PANTAGRUEL