CHAPITRE XXV

Gomment Panurge, Garpalim, Eusihenes et Epistemon, compagnons de Pantagruel, desconfirent six cens soixante chevaliers bien subtilement.

Ainsi qu'il disoit cela, ilz adviserent six cens soixante chevaliers, montés à l'avantage sur chevaux legiers, qui accouroient là voir quelle navire c'estoit qui estoit de nouveau abordée au port, et couroient à bride avallée pour les prendre s'ilz eussent peu. Lors dist Pantagruel : Enfans, retirez vous en la navire, voyez cy de nos ennemis qui accourent, mais je vous les tueray icy comme bestes, et fussent ilz dix fois autant. Ce pendant retirez vous et en prenez vostre passe temps. Adonc respondit Panurge : Non, seigneur, il n'est de raison que ainsi faciez : mais, au contraire, retirez vous en la navire, et vous, et les autres : car moy tout seul les desconfiray icy, mais il ne fault pas tarder : avancez vous. A quoy dirent les autres: C'est bien dit, seigneur, retirez vous, et nous aiderons icy à Panurge, et vous cognoistrez que nous savons faire. Adonc Pantagruel dist : Or je le veux bien ; mais, au cas que fussiez les plus foibles, je ne vous fauldray. Alors Panurge tira deux grandes cordes de la nef, et les attacha au tour qui estoit sur le tillac, et les mit en terre, et en fit un long circuit, l'un plus loing, l'autre dedans cestuy là. Et dist à Epistemon : Entrez dedans la navire, et quand je vous sonneray, tournez le tour1 sus le tillac di'ligeiitemeiLt, en ramenant à vous ces deux cordes. Puis dist à Eusthenes et à Carpalim : Enfans, attendez icy et vous offrez à ces en-

1 Cabestan.