LIVRE IL CHAPITRE XXV

nemis franchement, et obtempérez à eux, et faites semblant de vous rendre : mais advisez que n'entrez au cerne1 de ces cordes, retirez vous tousjours hors. Et incontinent entra dedans la navire, et prit un faix de paille et une botte de pouldre de canon, et l'espandit par le cerne des cordes, et avec une migraine de feu 2 se tint auprès.

Tout soudain arrivèrent à grande force les chevaliers, et les premiers chocquerent jusques auprès de la navire; et, parce que le rivage glissoit, tombèrent eux et leurs chevaux, jusques au nombre de quarante et quatre. Quoy voyans, les autres approchèrent, pensans qu'on leur eust résisté à l'arrivée. Mais Panurge leur dist : Messieurs, je croy que vous soyez fait mal, pardonnez le nous : car ce n'est de nous, mais c'est de la lubricité de l'eau de mer qui est tousjours onctueuse. Nous nous rendons à vostre bon plaisir. Autant en dirent ses deux compagnons, et Epistemon, qui estoit sur le tillac. Ce pendant Panurge s'esloignoit, et, voyant que tous estoient dedans le cerne des cordes , et que ses deux compagnons s'en estoient esloignés, faisans place à tous ces chevaliers qui à foulle alloient pour voir la nef et qui estoit dedans, soudain cria à Epistemon : Tire, tire. Lors Epistemon commença tirer au tour, et les deux cordes s'empestrerent entre les chevaux, et les ruoient par terre bien aisément avec les chevaucheurs : mais eux, ce voyans, tirèrent à l'espée, et les vouloient desfaire ; dont Panurge mit le feu en la trainée, et les fit tous là brusler comme âmes damnées. Hommes et chevaux, nul n'en eschappa, excepté un qui estoit monté sur un cheval turc, qui gaignoit à fuir : mais, quand Carpalim l'apperceut, il courut après en telle hastiveté et allaigresse3 que il l'attrapa en moins de cent pas, et, saultant sur la croupe de son cheval, l'embrassa par derrière, et l'amena à la navire.

Geste defaicte parachevée, Pantagruel fut bien joyeux, et

i Cercle.

2 Grenade de feu , de migrana ou milgrana (provenç.), grenade.

3 Allégresse, vivacité; c'est le sens propre du lat. alacer, de l'ital.

allegro.

444 PANTAGRUEL

loua merveilleusement l'industrie de ses compagnons, et les fit refrai chir et bien repaistre sur le rivage joyeusement, et boire d'autant, le ventre contre terre, et leur prisonnier avec eux familièrement : sinon que le pauvre diable n'estoit point asseuré que Pantagruel ne le devorast tout entier; ce qu'il eust fait, tant avoit la gorge large, aussi facilement que feriez un grain de dragée, et ne luy eust monté en sa bouche en plus qu'un grain de millet en la gueulle d'un asne.