LIVRE II, CHAPITRE XX
que de harnois. A ce commença Epistemon soubrire, et dist : Il n'est ombre que de cuisine, fumée que de pastés, et clicquetys que de tasses. A quoy respondit Panurge : Il n'est ombre que de courtines , fumée que de tetins, et clicquctys que de coudions. Puis, se levant fit un pet, un sault, et un sublet1 ; et cria à haulte voix joyeusement, vive tousjours Pantagruel ! Ce voyant, Pantagruel en voulut autant faire, mais, du pet qu'il fit, la terre trembla neuf lieues à la ronde, duquel, avec l'air corrompu, engendra plus de cinquante et trois mille petits hommes nains et contrefaits, et, d'une vesne qu'il fit, engendra autant de petites femmes, accropies comme vous en voyez en plusieurs lieux, qui jamais ne croissent, sinon comme les queues des vaches, contre bas, ou bien comme les rabbes2 de Lymousin, en rond. Et quoy, dist Panurge, vos petz sont ilz tant fructueux? Par Dieu, voicy de belles savates d'hommes, et de belles vesses de femmes; il les fault marier ensemble, ilz engendreront des mouches bovines. Ce que fit Pantagruel, et les nomma pygmées. Et les envoya vivre en une isle là auprès, où ilz se sont fort multipliés depuis. Mais les grues leur font continuellement la guerre : desquelles ilz se défendent courageusement; car ces petits boutz d'hommes (lesquelz en Ecosse l'on appelle manches d'estrilles) sont voluntiers cholericques. La raison physicale est parce au'ilz ont le coeur prés de la merde.
En ceste mesme heure, Panurge prit deux verres qui là estoient, tous deux d'une grandeur, et les emplit d'eau tant qu'ilz en peurent tenir, et en mit l'un sur une escabelle, et l'autre sur une autre, les esloignant à part la distance de cinq pieds; puis prit le fust d'une javeline de la grandeur de cinq pieds et demy : et le mit dessus les deux
1 Ou sibl e t {Joinv'ùle). Sifflet. — Sublet, subler, pour sifflet, siffler, appartiennent aux patois saintongeais et poitevin.
C'est encore une polissonnerie nsitée parmi les écoliers et les sol-
dats, lorsqu'ils ont commis l'incongruité dont il s'agit ici, de faire un saut, de siffler, en ajoutant quelquefois le mot : brisquet.
* Baves. En charentais, rabe; en limousin, rabo.
454 PANTAGRUEL
verres, en sorte que les deux boutz du fust toucnoient justement les bords des verres. Cela fait, prit un gros pau, et dist à Pantagruel et aux autres : Messieurs, considérez comment nous aurons victoire facilement de nos ennemis. Car, ainsi comme je rompray ce fust icy dessus les verres, sans que les verres soient en rien rompus ny brisés, encores, que plus est, sans qu'une seule goutte d'eau en sorte dehors, tout ainsi nous romprons la teste à nos Dipsodes , sans ce que nul de nous soit blessé, et sans perte aucune de nos uesoignes. Mais, afin que ne pensez qu'il y ait enchantement, tenez, dist il à Eusthenes, frappez de ce pau tant que pourrez au milieu. Ce que fit Eusthenes, et le fust rompit en deux pièces tout net, sans qu'une goutte d'eau tombast des verres. Puis dist : J'en sçay bien d'autres, alion.ï seulement en asseurance.
