CHAPITRE XXIX

Gomment Pantagruel délit les trois cens geans armés de pierres de taille, et Loupgaron leur capitaine.

Les geans, voyans que tout leur camp estoit noyé, emportèrent leur roy' Anarche à leur col, le mieulx qu'ilz peurent, hors du fort, comme fit Eneas son père Anchises, de la conflagration de Troye. Lesquelz quand Panurge apperceut, dist à Pantagruel : Seigneur, voyla les geans qui sont issus : donnez dessus de vostre mast1, galantement à la vieille escrime. Car c'est à ceste heure qu'il se fault monstrer homme de bien. Et, de nostre costé, nous ne vous fauldrons. Et hardiment que je vous entueray beaucoup. Car quoy? David tua bien Goliath facilement. Moy donc qui en Dattrois douze telz qu'estoit David : car en ce temps là ce n' estoit que un petit chiart 2, n'en desferay je pas bien une douzaine? Et puis ce gros paillard de Eusthenes, qui est fort comme quatre bœufz, ne s'y espargnera. Prenez courage, chocquez à travers, d'estoc, et de taille. Or, dist Pantagruel, de courage j'en ay pour plus de cinquante francs. Mais quoy? Hercules n'osa jamais entreprendre contre deux. C'est, dist Panurge, bien chien chip, 3 en mon nez, vous comparez vous à Hercules? Vous avez par Dieu plus de force aux dents, et plus de sens au cul que n'^ut jamais Hercules en tout son corps et ame. Autant vauit l'homme comme il s'estime .

1 Le mast dont il a été question ci-dessus, p. 457.

2 Nous rétablissons ce passage de l'édition de C. Nourry, que les éditeurs ne reproduisent pas.

3 Edition de Claude Nourry.

Dans les autres nous lisons, bien ckié.

Nous prions le lecteur de vouloir bien se reporter à la note * de la page 99 de ce volume. (Gargantua. )

PANTAGRUEL

Et ainsi qu'ilz dïsoient ces paroles, voiey arriver Loupgarou, avee tous ses geans ; lequel' voyant Pantagruel tout seul, fut espris de témérité et oultrecuidance, par espoir qu'il avoit d'occire le pauvre bon hommet.Dont dist à ses compagnons geans : Paillars de plat pays, par Mahom *, si aucun de vous entreprend de combattre contre ceux cy, je vous feray mourir cruellement. Je veux que me laissez combattre tout seul : ^e pendant vous aurez vostre passetemps à nous regarder. Adonc se retirèrent tous les geans avec leur roy là auprès, où estoient les flaccons, et Panurge et ses compagnons avec eux, qui contrefaisoit ceux qui ont eu la vérole, car il tordoit la gueule, et retiroit les doigts; et, en parole enrouée, leur dist : Je renie Dieu, compagnons, nous ne faisons point la guerre, donnez nous à repaistre avec vous, ce pendant que nos maistres s'entrebattent. A quoi voluntiers le roy et les geans se consentirent, et les firent banqueter avec eux.

Ce pendant Panurge leur contoit les fables de Turpin, les exemples de saint Nicolas, et le conte de la Ciguoingne.

Loupgarou donc s'adressa à Pantagruel avec une masse toute d'acier, pesante neuf mille sept cens quintaulx deux quarterons d'acier de Calibes *. au bout de laquelle estoient treize pointes de diamans, dont la moindre estoit aussi grosse comme la plus grande cloche de Nostre Dame de Paris ( il s'en falloit par adventure l'espesseur d'un ongle, ou au plus, que je ne mente3, d'un dos de ces cousteaux qu'on appelle coupeoreille : mais pour un petit, ne avant ne arrière ) et estoit pheée*,en manière que jamais ne pou voit rompre, mais, au contraire, tout ce qu'il en touchoit rompoit incontinent.

Ainsi donc, comme il approchoit en grand fierté, Pantagruel, jettant les yeulx au ciel, se recommanda à Dieu de

1 Par Mahomet, serment que les romans de chevalerie mettent souvent dans la bouche des Sarrasins.

* Chalybs , rivière du pays des Celtibères , qui passait pour donnei une excellente trempe à l'acier.

3 A ne point mentir.

4 Ce mot est adjectif dans les anciens romans de chevalerie , et veut dire enchanté. On a dit :

Une épée fée, un anneau fée ou phée. On trouve même à l'infinitif le verbe phéer ou féer.