CHAPITRE XXXI

Comment Pantagruel entra en la ville des Amaurotes , et corn* ment Panurge maria le roi Anarche, et le lit crieur de saulce vert.

Après celle victoire merveilleuse, Pantagruel envoya Carpalim en la ville des Amaurotes, dire et annoncer comment le roy Anarche estoit pris, et tous leurs ennemis défaits. Laquelle nouvelle entendue, sortirent au devant de luy tous les habitans de la ville en bon ordre, et en grande pompe triomphale, avec une liesse divine, le conduisirent en la ville. Et furent faits beaux feux de joye par toute la ville, et belles tables rondes garnies de force vivres, dressées par les rues. Ce fut un renouvellement du temps de Saturne, tant il fut fait alors grand chère.

Mais Pantagruel, tout le sénat assemblé, dist : Messieurs, ce pendant que le fer est chault il le fault battre ; pareillement, devant que nous débaucher1 davantage, je veulx que nous allions prendre d'assault tout le royaulmedes Dipsodes. Pourtant, ceux qui avec moy voudront venir s'apprestent à demain après boire, car lors je commenceray à marcher. Non qu'il me faille gens davantage pour me aider à le conquester ; car autant vauldroit il que je le tinsse desja ; mais je voy que ceste ville est tant pleine des habitans qu'ilz ne peuvent se tourner par les rues. Donc je lesmeneray comme une colonie en Dipsodie, et leur donneray tout le pays, qui est beau, salubre, fructueux, et plaisant sus tous les pays du monde, comme plusieurs de vous savent, qui y estes allés autresfois. Un chascun de vous qui y voudra venir, soit prest comme j'ay

1 Débaucher est le contraire ^embaucher. En Saintonge et ailleurs se débaucher veut dire • in-

terrompre son travail. C'est évidemment dans ce sens qu'il faut l'entendre ici.