LIVRE II, CHAPITRE XXXÏ

dit. Ce conseil et délibération fut divulgué parla ville; et, le lendemain, se trouvèrent en la place devant le palais jusquea au nombre de dix huit cens cinquante et six mille et unze, sans les femmes et petits enfans. Ainsi commencèrent à marcher droit en Dipsodie, en si bon ordre qu'ilz ressembloient es enfans d'Israël, quand ilz partirent d'Egypte pour passer la mer Rouge.

Mais, devant que poursuivre ceste entreprise, je vous veulx dire comment Panurge traicta son prisonnier le roy Anarche. Il luy souvint de ce que avoit raconté Epistemon, comment estoient traictés les rois et riches de ce monde par les Champs Elysées, et comment ilz gaignoient pour lors leur vie à vilz et salles mestiers.

Pourtant, un jour, habilla son dit roy d'un beau petit pourpoint de toille, tout, deschicqueté comme la cornette d'un Albanoys, et de belles chausses à la marinière, sans souliers : car, disoit il, ilz luy gasteroient la veue ; et un petit bonnet pers *, avec une grand plume de chappon. Je faulx, car il m'est advis qu'il y en avoit deux, et une belle ceinture de pers et vert, disant que ceste livrée luy advenoit bien , veu qu'il avoit esté pervers. En tel point l'amena devant Pantagruel, et luy dist : Cognoissez vous ce rustre? Non, certes, dist Pantagruel. C'est monsieur du roy de trois cuittes2. Je le veulx faire homme de bien : ces diables de rois icy ne sont que veaulx, et ne savent ny ne valent rien, sinon à faire des maulx es pauvres subjects, et à troubler tout le monde par guerre, pour leur inique et détestable plaisir. Je le veulx mettre à mestier, et le faire crieur de saulce vert 3. Or commence à

1 Bleu foncé.

2 De trois journées, suivant Le Duchat, c'est à-dire à qui est échue la fève de trois gâteaux cuits pendant trois jours de la semaine des Rois. Du Cange traduit, en effet coda par cuille ou fournée; dans Marnef, on lit de trois ciuites.

3 Dans la Farce nouvelle des crts de Paris, Lyon, B. Chaussard,

1 548, le Sot, crieur de Paris, dit nu premier galand :

Vous fault il point de saulce vertî Le second galand répond :

Le dyable vous puisse saulcer.

Et dai«î les Cris de Paris , mis en

musique par Clément Jennequin ,

le ténor chante :

Faull il point de saulce Terde, Saulce verde !

PANTAGRUEL

crier : Vous fault il point de saulce vert? Et le pauvre diable crioit. C'est, trop bas, dist Panurge; et le prit par l'oreille disant : Chante plus haut, en g, sol, re, ut. Ainsi, diable, tu as bonne gorge, tu ne fus jamais si heureux que de n'estre plusroy.

Et Pantagruel prenoit à tout plaisir. Car je ose bien dire que c'estoit le meilleur petit bon homme qui fust d'icy au bout d'un baston. Ainsi fut Anarche bon crieur de saulce vert. Deux jours après, Panurge le maria avec une vieille lanterniere, et luy mesmes fit les nopces à belles testes de mouton, bonnes hastilles * à la moustarde, et beaux tribars * aux ailz, dont il en envoya cinq'sommades 3 à Pantagruel, lesquelles il mangea toutes, tant il les trouva appétissantes ; et à boire belle piscantine *, et beau corme 5. Et, pour les faire danser, loua un aveugle qui leur sonnoit la note avec sa vielle. Après disner, les amena au palais, et les montra à Pantagruel, et luy dist, montrant la mariée : Elle n'a garde de peter. Pourquoy? dist Pantagruel. Par ce, dist Panurge, qu'elle est bien entamée. Quelle parabole est cela? dist Pantagruel. Ne voyez vous, dist Panurge, que les chastaignes qu'on fait cuire au feu, si elles sont entières, elles pètent que c'est rage : et, pour les engarder de peter, l'on les entame. Aussi ceste nouvelle mariée est bien entamée par le bas, ainsi elle ne pétera point.

Pantagruel leur donna une petite loge auprès de la basse rue, et un mortier de pierre à piler la saulce. Et firent en ce point leur petit mesnage : et fut aussi gentil crieur de saulce vert qui fust onques veu ien Utopie. Mais l'on m'a dit depuis que sa femme le bat comme piastre, et le pauvre sot ne se ose défendre, tant il est niays.

1 Entrailles du porc , dont on faisait du boudin , des andouilles , etc. Les termes culinaires de hâtelel , kâteur de rôt appartiennent à la même famille. Du Cange les fait venir de assare, rôtir.

* Tripes.

3 Charge d'une bête de somme.

4 Eau rougie , suivant Oudin.

Cotgrave donne la même explication : well-watered wine, breuvage qui se rapproche de celui des poissons, de piscis, peut-être.

5 Boisson faite avec des cormes.