LIVRE III, CHAPITRE XXV11I. G

vraycstquen moy je recognois quelque signe indicatif de vieillesse. Je dis verde vieillesse. Ne le dis à personne 11 demourera secret entre nous deux. C'est que je trouve le vin meilleur et plus à mon goust savoureux eue ne soulois : plus que ne soulois, je crains la rencontre du mauvais vin. Note que cela argue je ne sçay quoy du ponent, et signifie que le midy est passé. Mais quoy? Gentil compagnon tousjours, autant ou plus que jamais. Je ne crains pas cela de par le diable. Ce n'est là où me deult1. Je crains que par quelque longue absence de nostre roy Pantagruel, auquel force est que je face compagnie, voire allast il à tous les diables, ma femme me face coqu. Voy là le mot peremptoire. Car tous ceux à qui j'en ay parlé, m'en menassent. Et afferment qu'il m'est ainsi prédestiné des cieulx. Il n'est, respondit frère Jean, coqu qui veult. Si tu es coqu,

Ergo ta femme sera belle,

Ergo tu seras bien traicté d'elle :

ergo tu auras des amis beaucoup : ergo tu seras sauvé. Ce sont topicques monachales. Tu n'en vaudras que mieux, pécheur. Tu ne fus jamais si aise. Tu n'y trouveras rien moins. Ton bien accroistra davantage. S'il est ainsi prédestiné, y voudrois tu contrevenir? dis, Couillon flatry2. Couillon moisy. Couillon rouy. Couillon chaumeny. Couillon transy. C. poitry d'eau froyde.