CHAPITRE XLV

Comment Panurge se conseille à Triboullet.

Au sixième jour subséquent Pantagruel fut de retour, en l'heure que par eau de Bloys estoit arrivé Triboullet. Panurge à sa venue luy donna une vessie de porc bien enflée, et resonnante à cause des poys qui dedans estaient; plus une espée de bois bien dorée; plus une petite gibbessiere faite d'une coque de tortue; plus une bouteille clissée, pleine de vin breton, et un quarteron de pommes Blandureau '. Comment, dist Garpalim, est il fol comme un chou à pommes 2 ? Triboullet ceignit l'espée et la gibbessiere, prit la vessie en main, mangea part des pommes, beut tout le vin. Panurge le regardoit curieusement, et dist : Encores ne vis je onques fol (et si en ay veu pour plus de dix mille francs), qui ne beust voluntiers et à longs traietz. Depuis luy exposa son affaire en paroles rhétoriques et élégantes.

Davant qu'il eust achevé, Triboullet luy bailla un grand coup de poing entre les deux espaules, luy rendit en main la bouteille, le nazardoit avec la vessie de porc, et pour toute response luy dist, branslant bien fort la teste : Par Dieu, Dieu, fol enragé, guare moine3, cornemuse de Buzançay! fies paroles achevées, s'escarta de la compagnie, et jouoit de la vessie, se délectant au mélodieux son des poys. Depuis ne fut possible tirer de luy mot queconques. Et le voulant Panurge davantage interroger, Triboullet tira son espée de bois, et l'en voulut ferir.

1 Ménage prétend que ces pommes sont ainsi nommées parce qu'elles sont blanches et dures.

2 On dit trivialement une sottise pommée, pour une grosse sottise.

3 Voy. le chap. suivant.

PANTAGRUEL

Nous en sommes bien vrayement, dist Panurge. Voyla belle resolution. Bien fol est il, cela ne se peut nier : mais plus fol est celuy qui me l'amena, et je très fol qui luy ay communicqué mes pensées. C'est, respondit Carpalim, droit visé à ma visière1.

Sans nous esmouvoir, dist Pantagruel, considérons ses gestes et ses dicts. En iceux j'ay noté mystères insignes; et plus tant que je soulois ne m'esbahys de ce que les Turcs révèrent telz folz comme musaphiz2 et prophètes. Avez vous considéré comment sa teste s'est (avant qu'il ouvrist la bouche pour parler) crouslée et esbranlée? Par la doctrine des antiques philosophes, par les cérémonies des mages, et observations des jurisconsultes, povez juger que ce mouvement estoit suscité à la venue et inspiration de l'esprit faiidicque; lequel, brusquement entrant en débile et petite substance ( comme vous savez qu'en petite teste ne peut estre grande cervelle contenue), l'a en telle manière esbranlée, que disent les médecins tremblement advenir es membres du corps humain,, savoir est, part pour la pesanteur et violente impétuosité du fais porté, part pour l'imbécillité de la vertu et organe portant.

Exemple manifeste est en ceux qui à jeun ne peuvent en main porter un grand hanap plein de vin sans trembler des mains. Cecy jadis nous prefiguroit la divinatrice Pythie, quand avant respondre par l'oracle escroulloit 3 son laurier domesticque. Ainsi dit Lampridius que l'empereur Heliogabalus, pour estre réputé divinateur, par plusieurs festes de son grand idole, entre les retaillatz 4 fanaticques bransloit publiquement la teste. Ainsi déclare Plaute, en son Asnerie, que Saurias cheminoit branslant la teste8, comme furieux et hors du sens, faisant peur à ceux qui le rencontroient.

1 C'est-à-dire : Cela est dirigé contre moi

- Docteurs.

& Secouait, crollare en italien.

'* Eunuques. C'est le mot retaillé, avec la désinence provençale.

8 En effet, dans VÀsinaria, que Rabelais traduit par Asnerie, act. II, se. 3, le marchand dit à Libanus, en parlant de l'intendant Sauréa, qui est en colère : « Qtias santi capile incedil. »