CHAPITRE XXVJ

Comment les habitants de Lerné, par le commandement de Picrochole, leur roy assaillirent au despourveu les bergiers de Grandgousier.

Les fouaciers, retournés à Lerné, soudain, d'avant boire ny manger, se transportèrent au Capitoly l, et là, davant leur roy, nommé Pierochole, tiers de ce nom, proposèrent leur complainte, monstrans leurs paniers rompus, leurs bonnet?. foupis2, leurs robes dessirées3, leurs fouaces destroussées, et singulièrement Marquet blessé énormément, disans le tout avoir esté fait par les bergiers et mestaiers de Grandgousier, prés le grand carroy, par delà Seuillé.

Lequel incontinent entra en courroux furieux, et, sans plus oultre se interroger quoy ne comment, fit crier par son pays ban et arrière ban ; et que un chascun, sur peine de la bart, convint4 en armes en la grande place devant le chasteau, à heure de midy. Pour miculx confermer5 son entreprise, envoya sonner le tabourin à l'entour de la ville : luy mesmes, ce pendant qu'on aprestoit son disner, alla faire affuster son artillerie, desployer son enseigne et oriflant, et. charger force munitions, tant de harnois d'armes que de gueulles.

En disnant, bailla les commissions : et fut, par son edict, constitué le seigneur Trepelu6 sus l'avantgarde, en laquelle