CHAPITRE XXIX

La teneur des lettres que Grandgousier escrivoit à Gargantua.

La ferveur de tes estudes requeroit que de long temps ne te revocasse1 de cestuy philosophique repos, si la confiance de nos amis et anciens confédérés2 n'eust de présent frustré la seureté de ma vieillesse. Mais, puis que telle est ceste fatale destinée que par iceux sois inquiété esquelz plus je me reposois, force m'est te rappeller au subside3 des gens et biens qui te sont par droit naturel affiés *. Car, ainsi comme débiles sont les armes au dehors si le conseil n'est en la maison ; aussi vaine est l'estude , et le conseil inutile qui, en temps oportun, par vertus n'est exécuté, et à son effect reduict.

Ma délibération n'est de provoquer, ains d'apaiser;- d'assaillir, mais de défendre ; de conquester, mais de garder mes féaux subjects et terres héréditaires. Esquelles est hostilement entré Picrochole , sans cause n* occasion, et de jour en jour poursuit sa furieuse entreprise, aver axees non tolerables à personnes libères 5.

Je me suis en devoir mis pour modérer sa cholere tyrannique, luy offrant tout ce que je pensoisluy pouvoir estre en contentement : et par plusieurs fois ay envoyé amiablement devers luy, pour entendre en quoy, par qui et comment il se sentoit oultragé : mais de luy n'ay eu response

! Je ne t'enlevasse à ce repos. ] le mot latin subsidium francisé.

* Alliés. 4 Garantis.

* Au secou.s, à l'aide. C'est ' 5 Libres, libérales.

GARGANTUA

que de volontaire deffiance, et qu'en mes terres pretendoit seulement droit de bien séance. Dont j'ay cogneu que Dieu éternel l'a laissé au gouvernail de son franc arbitre et propre sens, qui ne peut estre que meschant, si par grâce divine n'est continuellement guidé : et, pour le contenir en office et réduire à cognoissance, me l'a icy envoyé à molestes1 enseignes.

Pourtant, mon filz bien aimé2, le plus tost que faire poui ras, ces lettres veues, retourne à diligence secourir, non tant moy (ce que toutesfois par pitié naturellement tudoibs) que les tiens , lesquelz par raison tu peux sauver et garder. L'exploit sera fait à moindre effusion de sang qu'il sera possible. Et, si possible est, par engins 3 plus expediens, cauteles4, et ruses de guerre, nous sauverons toutes les âmes, et les envoyerons joyeux à leurs domiciles.

Très cher filz, la paix de Christ nostre rédempteur soit avec toy. Salue Ponocrates, Gymnaste, et Eudemon, de par moy. Du vingtiesme de septembre.

Ton père,