IÇO LIVRE IV, CHAPITRE LXIV

Pantagruel leurs envoya par Gymnaste dedans l'esquif son aulmosne : soixante et dixhuict mille beaulx petitz demys escuz à la lanterne. Puys demanda : « Quantes heures sont? — Neuf et d'adventaige, respondit Epistemon. — C'est, dist Pantagruel, juste heure de dipner. Car la sacre ligne tant célébrée par Aristophanes en sa comédie intitulée les Predicantes approche, laquelle lors eschoit quand l'ombre est decempedale. Jadis entre les Perses l'heure de prendre réfection estoyt es Roys seulement prescripte : à un chascun aultre estoit l'appétit et le ventre pour horologe. De faict, en Plante, certain parasite soy complainct, et déteste furieusement les inventeurs d'horologes et quadrans, estant chose ' notoire qu'il n'est horologe plus juste que le ventre. Diogenes, interrogé à quelle heure doibt l'homme repaistre, respondit : Le Riche, quand il aura faim; le Paouvre, quand il aura dequoy. Plus proprement disent les medicins l'heure canonicque estre :

Lever à cinq, disner à neuf;

Souper à cinq, coucher à neuf.

0 La Magie du célèbre Roy Petosiris estoit aultre. » Ce mot n' estoit achevé, quand les o£&ciers de gueule dressèrent les tables et buffetz ; les couvrirent de nappes odorantes, assiettes, serviettes, salières; apportèrent tanquars, frizons, flacons, tasses, hanats, bassins, hydiies. Frère Jan, associé des maistres d'hostel, escarques, panetiers, eschansons. escuyers tranchans, couppiers, credentiers, apporta quatie honiiicques pastez de jambons si grands qu'il me soubvint des quatre bastions de Turin. Vray Dieu, comment il y feut beu et guallé ! Hz n'avoient encores le dessert, quand le vent Ouest Xorouest commença enfler les voiles, papefilz, morisques, et trinquetz. Dont tous chantèrent divers Cantiques à la louange du très hault Dieu des Cielz.

Sus le fruict, Pantagruel demanda : « Ad visez, amis, si vos

doubtes sont à plein rcsoluz. — Je ne baisle plus, Dieu mercy, dist Rhizotome.

— Je ne dors plus en chien, dist Ponocrates. — Je n'ay plus les yeulx esblouiz, respondit Gymnaste. — Je ne suys plus à jeun, dist Eusthenes. Pour tout ce jourd'huy seront en sceureté de ma salive :

Aspicz,

Amphisbenes,

Anerudutes,

Abedessimons,

Alhartrafz,

Ammobates,

Apimaos,

Alhatrabans,

Aractes,

Astérions,

Alcharates,

Arges,

Araines,

Ascalabes,

Attelabes,

Ascalabotes,

iEmorrhoides,

Basilicz,

Belettes ictides,

Boies,

Buprestes,

Cantharides,

Chenilles,

Crocodiles,

Crapaulx,

Catoblepes,

Cérastes,

Cauquemares,

Chiens cnraigez

Colotcs,

Cychriodes,

Cafezates,

Cauhares,

Couleffres,

Cuharsces,

Chelhydres,

Croniocolaptes,

Chersydres,

Cenchrynes,

Coquatris,

Dipsades,

Domeses,

Dryinades,

Dracons,

Elopes,

Enhydrides,

Fanuises,

Galéotes,

Harmenes,

Handons,

Icles,

Jarraries,

Ilicines,

Ichneumones,

Kesudures,

Lièvres marin,

Lizars chalcidi-

iques.

Myopes, Manticores, Molures, Myagres, Musaraines, Miliares, Megalaunes, Ptyades, Porphyres, Pareades, Phalanges, Penphredones, Pityocampes, Ruteles, Rimoires, Rhagions, Rhaganes,

Salamandres,

Scytales,

Stellions,

Scorpenes,

Scorpions,

Selsirs,

Scalavotins,

Solofuidars,

Sourds,

Sangsues,

Salfuges,

Solifurges,

Sepes,

Stinces,

Stuphes,

Sabtins,

Sangles,

Sepedons,

Scolopendres,

Tarantoles,

Typholopes,

Tetragnaties,

Teristales,

Vipères.