CHAPITRE LXVI

COMMENT, PRÉS l'iSLE DE GANABIK, AU COUMEKDE MENT DE PANTAGRUEL, FEURENT LES MUSES SALUÉES

Continuant le bon vent, et ces joyeulx propous, Pantagruel descou\Tit au loing et apperceut quelque terre montueuse, laquelle il monstra à Xenomanes, et luy demanda : « Voyez vous cy davant à Orche ce hault rochier à deux crouppes bien ressemblant au mons Parnasse en Phocide ? — Très bien, respondit Xenomanes. C'est l'isle de Ganabin. Y voulez vous descendre? — Non, dist Pantagruel. — Vous faictes bien, dist Xenomanes. Là n'est chose aulcune digne d'estre veue. Le peuple sont tous voleurs et larrons. Y est toutesfoys vers ceste crouppe dextre la plus belle fontaine du monde, et au tour une bien grande forest. Vos chormes y pourront faire aiguade et lignade. — C'est, dist Panurge, bien et doctement parlé. Ha, da da. Ne descendons jatnais en terre des voleurs et larrons. Je vous asceure que telle est ceste terre icy,

PANTAGRUEL ig5

quelles aultres foys j'ay veu les isles de Cerq et Herm entre Bretaigne et Angleterre; telle que la Ponerople de Philippe en Thrace isles des forfans, des larrons, des briguans, des meurtriers et assasineurs : tous extraictz du propre original des basses fosses de la Conciergerie. Ne y descendons poinct, je vous en prie. Croyez, si non moy, au moins le conseil de ce bon et sage Xenomanes. Hz sont, par la mort bœuf de boys, pires que les Canibales. Hz nous mangeroient tous vifz. Ne y descendez pas, de grâce. Mieulx vous serait en Averne descendre. Escoutez. Je y oy, par Dieu, le tocqueceinct horrificque, tel que jadis souloient les Guascons en Bourdeloys faire contre les guabelleurs et commissaires. Ou bien les aureilles me cornent. Tirons vie de long. Hau I Plus oultre !

— Descendez y, dist frère Jan, descendez y. Allons, alloiig, allons tous jours. Ainsi ne poyrons nous jamais de giste. Allons. Nous les sacmenterons trestous. Descendons.

— Le diable y ait part, dist Panurge. Ce Diable de moine Icy, ce moine de Diable enraigé ne crainct rien. Il est hazardeux comme tous les Diables, et poinct des aultres ne se soucie. Il luy est advis que tout le monde est moine comme luy. — Va, ladre verd, respondit frère Jan, à tous les millions de Diables, qui te puissent anatomizer la cervelle, et en faire des entommeures. Ce Diable de fol est si lasche et meschant qu'il se concilie à toutes heures de maie raige de paour. Si tant tu es de vaine paour consterné, ne y descens pas, reste icy avecques le baguaige. Ou bien te va cacher soubs la cotte hardie de Proserpine à travers tous les millions de Diables. »

A ces motz Panurge esvanouyt de la compaignie, et se mussa au bas dedans la soutte, entre les crouttes, miettes et chaplys du pain. « Je sens, dist Pantagruel, en mon ame retraction urgente, comme si feust une voix de loing ouye, laquelle me dict que ne y doibvons descendre. Toutes et quantes foys qu'en mon esprit j'ay tel mouvement senty, je me suis trouvé