PROLOGUE
fat ne sera dit, venant la prime saison. Les fols, le nombre desquelz est infiny, comme atteste Salomon, périront enragez, et toute espèce de folie cessera : laquelle est pareillement innombrable, comme dict Avicenne, maniœ infinïtce suni species. Laquelle durant la rigueur hibernale estoit au centre répercutée, apparoist en la circonferance, et est en cesves comme les arbres. L'expérience nous le demonstre, vous le sçavez, vous le voyez. Et fut jadis exploré par le grand bon homme Hippocrates, Aphorism. Verœ eîenim maniœ, etc. Le monde doncques ensagissant plus ne craindra la fleur des febves en la prime vere, c'est à dire (comme pouvez, le voirre au poing et les larmes à l'œil, pitoiablement croire), en caresme, un tas de livres qui sembloient florides, florulens, floris comme beaux papillons, mais au vray estoient ennuyeux fascheux, dangereux, espineux et ténébreux, comme ceux d'Heraclitus, obscurs comme les nombres de Pythagoras (qui fut roi de la febve, tesmoin Horace). Iceux périront, plus ne viendront en main, plus ne seront leuz ne veuz. Telle estoit leur destinée, et là fut leur fin prédestinée.
Au lieu d'iceux ont succédé les febves en gousse. Ce sont ces joyeux et fructueux livres de Pantagruelisme, lesquels sont pour ce jourd'hui en bruit de bonne vente, attendant le période du Jubilé subséquent, à l'estude desquels tout le monde s'est adonné; aussi est il sage nommé. Voylà vostre problesme solu et résolu; faictes vous gens de bien là dessus. Toussez icy un bon coup ou deux et en beuvez neuf d'arraché pied, puis que les vignes sont belles, et que les usuriers se pendent; ils me cousteront beaucoup en cordeaux si bon temps dure : car je proteste leur en fournir libéralement sans payer, toutes et quantes fois que pendre ils se voudront, espargnant le gain du bourreau.
A fin donques que soyez participans de ceste sagesse advenente, et émancipez de l'antique folie, effacez moy présentement de vos pancartes le Symbole du vieil philosophe à la
cuysse dorée; par lequel il vous interdisoit l'usage et mangeaille des febves, tenans pour chose vraye et confessée entre tous bons compaignons qu'il les vous interdisoit en pareille intention que le médecin d'eau douce feu Amer, nepveu de l'advocat, seigneur de Camelotiere, defïendoit aux malades l'aisle de perdrix, le cropion de geUnes et le col de pigeon, disant ; ala malà, cropium dubium, collitm honum pelle rernota, les reser\^ans pour sa bouche, et laissant aux malades seulement les osseletz à ronger. A luy ont succédé certains Caputions nous defendans les febves, c'est à dire hvres de PantagrueUsme, et à l'imitation de Philoxenus et Gnato SiciUen, anciens architecques de leur monachale et ventrale volupté, lesquels en plains banquets, lors qu'estoient les friands morceaux servis, crachoient sur la viande afin que par horreur autres qu'eux n'en mangeassent. Ainsi cette hideuse, morveuse, catarrheuse, vermoluë cagotaille, en public et privé déteste ces Hvres frians, et dessus vilainement crachent par leur impudence. Et combien que maintenant nous Hsons en nostre langue Gallique, tant en vers qu'en oraison soluë, plusieurs excellens escripst, et que peu de reliques restent de capharderie et siècle Gotique, ay neantmoins esleu gasouiller et sifHer oye, comme dit le proverbe, entre les Cygnes, plustost que d'estre entre tant de gentils poètes et faconds orateurs mut du tout estimé : jouer aussi quelque villageois personnage entre tant disers joueurs de ce noble acte, plustost qu'estre mis au rang de ceux qui ne servent que d'ombre et de nombre, seulement baislans aux mouches, chovans des aureilles comme un asne d'Arcadie au chant des musiciens, et par signes, en silence, signifians qu'ils consentent à la prosopopée.
Prins ce choix et élection, ay pensé ne faire œuvre indigne si je remuois mon tonneau Diogenic, afin que ne me dissiez ainsi vivre sans exemple.
Je contemple un grand tas de Colline ts, Marots, Drouets,
