COMMENT LES OISEAUX DE L'ISLE SONNANTE ESTOIENT TOUS PASSAGERS

« Mais, dist Pantagruel, veu qu'exposé nous avez des Cardingaux naistre Papegaut, et les Cardingaux des Evesgaux,

les Evesgaux des Prestregaux, et les Prestregaux des Clergaux, je voudrois bien entendre dont vous naissent ces Clergaux. — Ils sont, dit Aeditue, tous oiseaux de passage, et nous viennent de l'autre monde : part, d'une contrée grande à merveilles, laquelle on nomme Joursanspain; part, d'une autre vers le Ponant, laquelle on nomme Tropditieux. De ces deux contrées tous les ans à boutées, ces Clergaux icy nous viennent, laissans pères et mères, tous amis et parens. La manière est telle quand en quelque noble maison de ceste contrée dernière y a trop d'iceux enfans, soient masles, soient femelles : de sorte que, qui à tous part feroit de l'héritage (comme raison le veut, nature l'ordonne, et Dieu le commande) la maison seroit dissipée. C'est l'occasion pourquoy les parens s'en déchargent en ceste Isle Bossard. — ■ C'est, dist Panurge, l'Isle Bouchard lez Chinon. — Je dis Bossard, respondit Aeditue : car ordinairement ils sont bossus, borgnes, boiteux, manchots, podagres, contrefaits et maleficiez : poix inutile de la terre. — C'est, dist Pantagruel, coustume du tout contraire es Institutions jadis observées en la réception des pucelles Vestales, par lesquelles, comme atteste Labeo Antistius, estoit défendu à ceste dignité eslire fille qui eust vice aucun en l'ame, ou en ses sens diminution, ou en son corps tache quelconque, tant fust occulte et petite. — Je m'esbahis (dist Aeditue continuant) si les mères de par de là les portent neuf mois en leurs flancs, veu qu'en leurs maisons elles ne les peuvent porter ne patir neuf ans, non pas sept le plus souvent, et leur mettans vme chemise seulement sus la robbe, sur le sommet de la teste leur couppans je ne sçay quants cheveux avec certaines paroUes apotrophees et expiatoires, comme entre les ^Egyptiens, par certaines linostoUes et rasures, estoient créez les Isiacques, visiblement, apertement, manifestement, par metempsichose Pythagorique, sans lésion de blessure aucune, les font oiseaux tels devenir que présentement les voyez. Ne sçay toutesfois, beaux amis, que peult