LIVRE V, CHAPITRE XVII

grande, et en fit quelques élégies pax passeteraps. Là arrivez, nous refraischismes un peu et puisasmes eau fresche, prinsmes aussi du bois pour nos munitions. Et nous sembloient les gens du pais à leur pliisionomie bons compagnons, et de bonne cjiere. Ils estoient tous outrés et tous pedoient de graisse : et apperceusmes (ce que n'avois encores veu es aultres païs) qu'ils dechiquetoicnt leur peau pour y faire bouffer la graisse, ne plus ne moins que les sallebrenaux de ma patrie descouppent le hault de leurs chausses pour y faire bouffer le taffetas. Et disoient ce ne faire pour gloire et ostentation, mais aultrement ne pouvoient en leur peau. Ce faisant aussi, plus soudain devenoient grands, comme les jardiniers incisent la peau des jeunes arbres pour plustost les faire croistre.

Prés le ha\Te estoit un cabaret beau et magnifique en extérieure apparence, auquel accourir voyans nombre grand de peuple Outré, de tous sexes, toutes aages et tous estats, pensions que là fust quelque notable festin, et banquet. Mais nous fut dit qu'ils estoient invitez aux crevailles de l'hoste et y alloient en diligence proches, parens et alliez. N'entendans ce jargon, et estimans qu'en iceluy pays le festin on nommast crevailles, comme deçà nous appelons enfiansailles, espousailles, rele vailles, tondailles, mestivailles, fusmes advertis que l'hoste en son temps avoit esté bon raillard, grand grignoteur, beau mangeur de souppes Lyonnaises, notable compteur de horloge, éternellement disnant, comme l'hoste de Rouillac, et ayans ja par dix ans pedé graisse en abondance, estoit venu en ses crevailles, et selon l'usage du pays finoit ses jours en crevant, plus ne pouvant le per^-toine et peau par tant d'années deschiquetee clorre et retenir ses trippes qu'elles ne effondrassent par dehors, comme d'un tonneau deffoncé. « Et quoy, dist Panurge, bonnes gens, ne luy sçauriez vous bien à poinct avecques bonnes grosses sangles ou bons gros cercles de cormier, voire de fer, si besoin est, le ventre relier? Ainsi lié ne jetteroit si aissement ses fons hors, et si tost ne crevé-

roit. )) Ceste parolle n'estoit achevée quand nous entend isaies en l'air un son haut et strident, comme si quelque gros chesne esclatoit en deux pièces : lors fut dit par les voisins que les crevailles estoient faictes, et que cestuy esclat estoit le ped de la mort.

Là me souvint du vénérable Abbé de Castilliers, celuy qui ne daignoit biscoter ses chambrières nisi in Ponlificalibus, lequel importuné de ses parens et amis de resigner sus ses vieux jours son Abbaye, dist et protesta que point ne se despouilleroit devant soy coucher, et que le dernier ped que fer oit sa paternité seroit un ped d'Abbé.