LIVRE V, CHAPITRE XLII
de la fontaine, estoient trois unions eleichies, uniformes, de figure turbinée en totale perfection lachrimale, toutes ensemble cohérentes en forme de fleur de lys tant grande que la fleur excedoit une palme. Du calice d'icelle sortoit un Carboucle gros comme un œuf d'Autruche, taillé en forme heptagone (c'est nombre fort aimé de nature), tant prodigieux et admirable que, levans nos yeux pour le contempler, peu s'enfaillit que perdissions la veuë. Car plus flamboyant, ne plus croissant n'est le leu du Soleil, ne l'esclair, que lors il nous apparoissoit : tellement qu'entre justes estimateurs, jugé facilement seroit plus estre, en ceste fontaine et lampes cy dessus descriptes, de richesses et singularitez que n'en contiennent l'Asie, l'Affrique et l'Europe ensemble. Et eust aussi facilement obscurcy le pantharbe de larchas, magicien Indic, que sont les estoilles par le Soleil et clair midy.
Aille maintenant se vanter Cléopatre. Royne d'^Egypte, avec ses deux unions pendans à ses oreilles, desquels l'un, présent Antonius triumvir, elle par force de vinaigre fondit en eau et avala, estant à l'estimation de cent fois sexterces.
Aille se pomper Lullie Pauline avec sa robbe toute couverte d'emeraudes et marguerites, en tissure alternative, laquelle tiroit en admiration tout le peuple de la \alle de Rome. Laquelle on disoit estre fosse et magazin des vainqueurs larrons de tout le monde.
Le coulement et laps de la fontaine estoit par trois tubules et canals faits de marguerites fines en l'assiette de trois angles equilatêraux promarginaires cy dessus exposez : et estoient les canals produits en ligne limaciale bipartiente. ISous, avoir iceux considéré, ailleurs tournions nostre veuë, quand Bacbuc nous commanda entendre à l'exiture de l'eau : lors entendismes un son à merveille harmonieux, obtus toutesfois et rompu, comme de loin venant et soubterrain. En quoy plus nous sembloit délectable que si apert eust esté et de prés ouy. De sorte qu'autant, par les fenestres de nos yeux, nos esprits
s'estoient oblectez à la contemplation des choses susdites, autant en restoit il aux aureilles, à l'audiance de ceste harmonie.
Adonc nous dist Bacbuc : « Vos Philosophes nient estre par vertu de figures mouvement faict; oyez icy, et voyez le contraire. Par la seule figure limaciale que voyez bipartiente, ensemble une quintuple infoliature mobile à chascune rencontre intérieure (telle qu'est en la veine cave au lieu qu'elle entre le dextre ventricule du cœur), est ceste sacrée fontaine escoulée, et pai icelle une armonie telle qu'elle monte jusques à la mer de vostre monde. «
