COMMENT PANURGE ET LES AUTRES RITHMENT PAR FUREUR POÉTIQUE

« Es tu, dist frère Jean, fol devenu ou enchanté? Voyez comme il escume; entendez comment il rithmaille. Que tous les diables a il mangé ? Il tourne les yeux en la teste comme une chèvre qui se m.eurt : se retirera il à l'escart? fiantera il plus loin? mangera il de l'herbe aux chiens pour descharger son thomas? ou à usage monachal mettra il dedans la gorge le poing jusques au coude afin de se curer les hypochondres ? reprendra il du poil de ce chien qui le mordit? »

Pantagruel reprend frère Jean, et luy dit :

« Croyez que c'est la fureur poétique Du bon Bacchus : ce bon vin eclyptique Ainsi ses sens, et le faict cantique ur,

Car sans mespris,

A ses esprits

Du tout espris

Par sa liqueur.

De cris en ris.

De ris en pris,

En ce pourpris,

Faict son gent cœur

Rhetoriqueur,

Roy et vainqueur

De nos souris.

Et veu qu'il est de cerveau phanatique, Ce me seroit acte de trop piqueur, Penser moquer un si noble trinqueur.

— Comment? dist frère Jean, vous rithmez aussi. Par la vertu de Dieu, nous sommes tous poivrez. Plust à Dieu que Gargantua nous vist en cestuy estât? Je ne sçay par Dieu que