LIVRE V, CHAPITRE XLVII
faire de pareillement comme vous rithmer, ou non. Je n'y sçay rien toutesfois, mais nous sommes en rithmaillerie. Par sainct Jean, je rithmeray comme les aultres, je le sens bien; attendez, et m'ayez pour excusé si je ne rithme en cramoisi,
O Dieu, père paterne, Oui muas l'eau en vin, Fais de mon cul lanterne.
Four luire à mon voisin. »
Panurge continue son propos, et dit :
« Onq' de Pythias le tréteau
Ne rendit, par son chapiteau,
Response plus seure et certaine.
Et croirois qu'en ceste fontaine
Y soit nommément colporté
Et de Delphes cy transporté.
Si Plustarque eust icy trinqué
Comme nous, il n'eust révoqué
En doute pourquoi les oracles
Sont en Delphes plus muts que macle;
Plus ne rendant response aucune.
La raison est assez commune :
En Delphes n'est, il est icy.
Le tréteau fatal; le voicy.
Qui presagit de toute chose :
Car Atheneus nous expose
Que ce tréteau estoit Bouteille,
Pleine de vin à une aureille,
De vin, je dis de vérité.
Il n'est telle sincérité
En l'art de divination.
Comme est l'insinuation
Du mot sortant de la Bouteille.
Ça, frère Jean, je te conseille
Ce pendant que sommes icy.
Que tu ayes le mot aussi
De la Bouteille trimegiste,
Pour entendre si rien obsiste
Que ne te doives marier.
Tien cy, de peur de varier,
Et joue l'amorabaquine :
Jettez luy un peu de farine, «
Frère Jean respondit en fureur, et dist :
« Marier ! par la grand bottine,
Par le houzeau de sainct Benoist,
Tout homme qui bien me congnoist
Jurera que feray le chois
D'estre desgradé ras, ainçois
Qu'estre jamais angarié
Jusques là que sois marié;
Cela ! que fusse spolié
De liberté? fusse lié
A une femme désormais?
Vertu Dieu, à peine jamais
Me liroit on à Alexandre,
Ny à César, ny à son gendre,
N'au plus chevaleureux du monde. »
Panurge, deffeublant sa gualleverdine et accoustrement mystique, respondit :
« Aussi seras tu, beste immonde,
Damné, comme ime maie serpe.
Et je seray comme une herpe
Sauvé en paradis gaillard :
Lors bien sus toy, pauvre paillard,
Pisseray je, je t'en asseure.
Mais escoutez : advenant l'heure
Qu'à bas seras au vieux grand diable.
Si par cas assez bien croyable,
Advient que dame Proserpine
Fust espinée de l'espine
Qui est en ta brague cachée.
Et fust de fait amourachée
De ta dite paternité,
Survenant l'opportunité
Que vous feriez les doux accords.
Et luy montasses sus le corps :
Par ta foy, envoyeras tu pas
Au vin, pour fournir le repas.
Du meilleur cabaret d'enfer.
Le vieil ravasseur Lucifer?
Elle ne fut onques rebelle
Aux bons frères, et si fut belle.
»~- Va, vieil fol, dist frère Jean, au diable! Je ne samoij»
346 I.IVRF. V, CHAPITRK XLVIII
plus rithmer, la rithme me prend à la gorge; parlons de satisfaire icy. »
