ADDITION AU DERNIER CHAPITRE

« Ainsi, entre les Perses Zoroaster print Arimaspes pour compagnon de toute sa mystérieuse philosophie; Hermès le Trismegiste entre les égyptiens eut Esculape; Orpheus en Thrace eut Musée; illecques aussi Aglaophemus eut Pythagore; entre les Athéniens Platon eut premièrement Dion de Syracuse en Sicille, lequel défunt, print secondement Xenocrates; Apollonius eut Damis. Quand doncques vos philosophes, Dieu guydant, accompaignans à quelque claire lanterne, se adonneront à soigneusement rechercher et investiger comme est le naturel des humains (et de ceste qualité sont Hérodote et Homère appelles alphestes, c'est à dire rechercheurs et inventeurs), trouveront vraye estre la responce faicte par le sage Thaïes à Amasis, roy des ^Egyptiens, quand, par luy interrogé en quelle chose plus estoit de prudence, respondit : « On temps » ; car par temps ont esté et par temps seront toutes choses latentes inventées; et c'est la cause pourquoy les anciens ont appelle Saturne le Temps, père de Vérité, et Vérité fille eut Temps. InfaiUiblement aussi trouveront tout le sçavoir, et d'eux et de leurs prédécesseurs, à peine estre la minime partie de ce qui est et ne le sçavent. De ces troys hoires que présentement je vous hvre, vous en prendrez jugement et congnoissance, comme dict le proverbe : « Aux ongles le lion. » Par la raréfaction de nostre eau dedans enclose, intervenant la chaleur des corps supérieurs et ferveur de la mer sallee ainsi qu'est la naturelle transmutation des elemens, vous sera air dedans tressalubre engendré, lequel de vent clair, serein, delicieulx, vous servira, car vent