I. D'après le uianusçrit (vçy. I4 Bibliographie

PANTAGRUEL 34g

n'est que air flottant et undoyant. Cestuy vent moyennant, yrez à droicte routte, sans prendre terre si vouliez, jusques au port de Olonne en Talmondois, en laschant à travers voz velles, par ce petit soubspirail d'or que vous y voyez apposé comme une lieute, autant que penserez vous suffire pour tout au lanternent naviguer, tousjours en plaisir et seureté, sans danger ne tempeste. De ce ne doubtez; et ne pensez la tempeste yssir et procéder du vent ; le vent vient de la tempeste excitée du bas de l'abisme. Ne pensez aussi la pluye venir par impotence des vertus retentives des cieulx et gravité des nues suspendues : elle vient par évocation des soubterraines régions, comme, par évocation des Corps supérieurs, elle de bas en hault estoit imperceptiblement tirée : et vous en tesmoingne le roy prophète chantant et disant que l'abysme invocque l'abysme. Des troys oyres, les deux sont plaines de l'eau susdicte, la tierce est extraicte du Puys des saiges Indiens, lequel on nomme le tonneau des Brachmanes.

« Trouverez davantaige vos naufz bien duement pourvues de tout ce qu'il pourroit estre utile et nécessaire pour le reste de vostre mesnaige. Cependant que icy avez séjourné, je y ay faict ordre tresbon donner. Allez, amys, en gayetté d'esprit, et portez ceste lettre à vostre roy Gargantua, le saluez de par nous, ensemble les princes et les officiers de sa noble court. »

Ces mots parachevez, elles nous bailla des lettres closes et scellées; et nous, après actions de grâces immortelles, feist yssir par une porte adjacente à la chapelle, où la Bacbuc les semonoit de proposer questions autant deux foys qu'est hault le mont Olympe. Par ung pays plain de toutes dehces, plaisant, tempéré plus que Tempe en Thessalie, salubre plus que celle partie d'.cEgypte, laquelle a son aspect vers Libye, irrigu et verdoyant plus que Thermischrie, fertile plus que celle partie du mont Thaure, laquelle a son aspect vers Aquilon,