DU GOUVERNEMENT ET SEIGNEUR DE CESTE ANNÉE

Quelque chose que vous disent ces folz Astrologues de Lovain, de Numberg, de Tubinge et de Lyon, ne croyez que ceste année y aie aultre gouverneur de l'universel monde que Dieu le créateur, lequel par sa di\'ine parolle tout regist et modère, par laquelle sont toutes choses en leur nature et propriété et condition, et sans la maintenance et gouvernement duquel toutes choses seroient en un moment reduictes à néant, comme de néant elles ont esté par luy produictes en leur estre. Car deluy vient, en luy est et par luy se parfaict tout estre et tout bien, toute \-ie et mouvement, comme dict la Trompette evangehcque Monseigneur Sainct Paul, Rom. xi. Doncques le gouverneur de ceste année et toutes aultres, selon nostre veridicque resolution, sera Dieu tout-puissant. Et ne aura Saturne, ne Mars, ne Jupiter, ne aultre planète, certes non les anges, ny les saincts, ny les hommes, ny les diables, vertuz, efficace, puissance.

PANTAGRUELlNE PROGNOSTlCATION 353

hci influence aulcunes, si Dieu de son bon plaisir ne leur donne : comme dict Avicenne, que les causes secondes ne ont influence ne action aulcune, si la cause première n'y influe; dict-il pas vray, le petit bon hommct?