DES MALADIES DE CESTE ANNÉE

Ceste année les aveugles ne verront que bien peu, les sourdz oyront assez mal, les muetz ne parleront guieres, les riches se porteront un peu mieulx que les pauvres, et les sains mieulx que les malades. Plusieurs moutons, beufz, pourceaulx, oysons, pouletz et canars mourront, et ne sera sy cruelle mortalité entre les cinges et dromadaires. Vieillesse sera incurable ceste année à cause des années passées. Ceulx qui seront pleureticques auront grant mal au cousté. Ceulx qui auront flus de ventre iront souvent à la celle percée; les catharres descendront ceste

T. II. 2

354 PANTAGRUELINE PROGNOSTICATION

année du cerveau es membres inférieurs; le mal des yeux sera fort I imtraire à la veue; les aureilles seront courtes et rares en Guascongne plus que de coustume. Et régnera quasi universellement une maladie bien horrible et redoubtable, maligne, perverse, espoventable et malplaisante, laquelle rendra le monde bien estonné, et dont plusieurs ne sçauront de quel boys faire flèches, et bien souvent composeront en ravasserie syllogisans en la Pierre philosophale, et es aureilles de Midas. Je tremble de peur quand je y pense : car je vous diz qu'elle sera epidimiale, et l'appelle Averroys %ai CoUiget : faulte d'argent. Et attendu le comète de l'an passé et la rétrogradation de Saturne, mourra à l'hospital un grand marault tout catharré et croustclevé, à la mort du quel sera sédition horrible entre les chatz et les rats, entre les chiens et les lièvres, entre les faulcons et canars, entre les moines et les œufz.