DES FRUICTZ ET BIENS CROISSANT DE TERRE

Je trouve par les calcules de Albumasar on Livre de la grande Conjunction et ailleurs, que ceste année sera bien fertile, avecques planté de tous bien à ceulx qui auront de quoy. Mais le hobelon de Picardie craindra quelque peu la froidure; l'avoine fera grand bien es chevaux; il ne sera gueres plus de lart que de pourceaulx; à cause de Pisces ascendant, il sera grand année de caquerolles. Mercure menasse quelque peu le persil, mais ce non obstant il sera à pris raisonnable. Le soucil et l'ancholil croistront plus que de coustume, avecques abondance de poires d'angoisse. De bledz, de vins, de fniitages et legumages on n'en veit oncques tant, si les soubhaj'tz des pouvres gens sont ouiz.