CHAPITRE V
DE l'eSTAT D'aULCUNES GENS
La plus grande folie du monde est penser qu'il y ayt des astres pour les Roys, Papes et gros seigneurs, plustost que pour les pouvres et souffreteux, comme si nouvelles estoilles avoient estez créées depuis le temps du déluge, ou de Romulus, ou Pharamond, à la nouvelle création des Roys. Ce que Triboulet ny Cailhette ne diroient, qui ont esté toutesfoys gens de bault sçavoir et grand renom. Et par adventure en l'arche de Noé ledict Triboulet estoit de la lignée des Roys de Castille, et Cailhette du sang de Priam; mais tout cest erreur ne procède que par deffault
PANTAGRUELINE PROGNOSTICATION 335
de vraye foy catholicquc. Tenant doncqucs pour certain que les astres se soucient aussi peu des Roys comme des gueux, et des riches connue des maraux, je laisserai es aultres folz Prognosticqueurs à parler des Roys et riches, et parleray des gens de bas estât.
Et premièrement des gens soubmiz à Saturne, comme Gens despourveuz d'argent, Jaloux, Resveurs, Malpensans, Soubsonneux, Preneurs de taulpes. Usuriers, Rachapteurs de rentes. Tireurs de rivet z, Tanneurs de cuirs, Tuillicrs, Fondeurs de cloches, Composeurs d'empruns, Rataconneurs de bobelins, Gens melancholicqucs, n'auront en ceste année tout ce qu'ilz vouldroient bien; ilz s'estudiront à l'invention saincfe Croix, ne getteront leur lart aux chiens, et se grateront souvent là oii il ne leur démange poinct.
A Jupiter, comme Cagotz, Caffars, Botineurs, Porteurs de rogatons, Abbreviateurs, Scripteurs, Copistes, BuUstes, Dataircs, Chiquaneurs, Caputons, Moines, Hermites, Hypocrites, Chatemittes, Sanctorons, Patepellues, TorticoUis, Barbouilleurs de papiers, Prchnguans, Esperrucquetz, Clercs de greffe, Dominotiers, Maminotiers, Patenostriers, Chaffoureus de parchemin, Notaires, Raminagrobis, Portecolles, Promoteurs, se porteront selon leur argent. Et tant mourra de gens d'Esglise qu'on ne pourra trouver à qui conférer les Bénéfices, en sorte que plusieurs en tiendront deux, troys, quatre, et davantaige. Caffarderie fera grande jacture de son antique bruit, puisque le monde est devenu maulvais garson, n'est plus gueres fat, ainsi comme dit Avenzagel.
A Mars, comme Bourreaux, Meurdriers, Adventuriers, Brigans, Scrgeans. Records de tesmoings, Gens de guet, Mortepayes, Arracheurs de dens, Coupeurs de couilles, Barberotz, Bouchiers, Faulx monnoieurs, Medicins de trinquenicque, Tacuins et Marranes, Renieurs de Dieu, Allumetiers, Boutefeux, Ramonneurs de cheminées, Franctaupins, Charbonniers, Alchymistes, Coquassiers, Grillotiers, Chercuitiers, Bimbelotiers, Manilliers, Lanterniers, Maignins, feront ceste année de beaulx coups; mais aulcuns d'iceulx seront fort subjectz à recepvoir quelque coup de baston à l'emblée. Ung des susdictz sera ceste année faict Evesque des champs, donnant la bénédiction avecques les piedz aux passons.
A Sol, comme Beuveurs, Enlumineurs de museaulx. Ventres à poulaine, Brasseurs de bière, Boteleurs de foing, Portefaix, Faulcheurs, Recouvreurs, Crocheteurs, Emballeurs, Bergiers, Bouviers, Vachiers, Porchiers, Oizelleurs, Jardiniers, Grangiers, Cloisiers, Gueux de l'hostiaire, Gaignedeniers, Degresseurs de bonnet z, Emboureurs de bastz, Loqueteurs, Claquedens, Croquelardons, généralement tous portant la chemise nouée sur le dos, seront sains et alaigres, et n'auront la goutte es dentz quand ils seront de nopces.
A Venus, comme Putains, Maquerelles, Marjolets, Bougrins, Bragards, Napleux, Eschancrez, Ribleurs, Rufiens, Caignardicrs, Chamberieres d'hostelerie, nomina mxdierum desinentia in iere, ut Lingiere, Advocatiere, Taverniere, Buandierc, Frippierc, seront ceste année en réputation; mais le Soleil entrant en Cancer et aultres signes, se doibvent garder de verolle, de chancre, de pisses chauldes, poullains grenetz, etc. Les
356 PANTAGRUELINE PROGNOSTICATION
iionnains à peine concepvront sans opération virile. Bien peu de pucelleS auront en mamelles laict.
A Mercure, comme Pipeurs, Trompeurs, Affineurs, Thriacleurs, Larrons, Ivleusniers, Dateurs de pavé. Maîtres es ars, Decretistes, Crocheteurs, Harpailleurs, Rimasseurs, Basteleurs, Joueurs de passe passe, Enchanteurs, Vielleurs, Oblicurs, Poètes, Escorchcurs de latin. Faiseurs de rébus, Papetiers, Cartiers, Bagatis, Escumeurs de mer, feront semblant de estre plus joyeulx que souvent ne seront, quelquefoys riront lors que n'en auront talent, et seront fort subjectz à faire bancques rouptes, s'ilz se trouvent plus d'argent en bourse que ne leur en fault.
A la Lune, comme Bisouars, Veneurs, Chasseurs, Asturciers, Faulconniers. Courriers, Saulniers, Lunaticqucs, Folz, Ecervelez, Acariastres, Esvantez, Courratiers, Postes, Laquays, Nacquetz, Verriers, Estradiotz, Riverans, Matelotz, Chevaucheurs de escuirie, AUeboteurs, n'auront ceste année gueres d'arrest. Toutesfoys n'iront tant de hfrelofres à Sainct Hiaccho comme feirent l'an DXXIIIL II descendra grand abun-. dance de micquelotz des montaignes de Savoye et de Auvergne; mais Sagittarius les menasse des mules aux talons.
