CHAPITRE VI

DE L'eSTAT D'aULCUNS PAYS

Le noble Royaulme de France prospérera et triumphera ceste année en tous plaisirs et délices, tellement que les nations estranges voluntiers se y retireront. Petitz bancquetz, petitz esbattements, mille joyeusetez se y feront, où un chascun prendra plaisir : on n'y veit oncques tant de vins, ny plus frians; force raves en Lymousin, force chastaignes ea Perigot et Daulphiné, force olyves en Languegoth, force sables en Olone, force poissons en la mer, force estoilles au ciel, force sel en Brouage; planté le bledz, legimiaiges, fruitages jardinaiges, beurres, laictages. Nulle peste, nulle guerre, nul ennuj', bren de pouvreté, bren de soucy, bren de melanchoUe; et ces vieulx doubles ducatz, nobles à la rose, angelotz, aigrefins, royaulx et moutons à la grand laine retourneront en uzance, avecques planté de serapz et escuz au soleil. Toutesfoys sus le milieu de l'esté sera à redoubter quelque venue de pusses noires et cheussons de la Deviniere. Adeo nihil est ex omni parte beatum. Mais il les fauldra brider à force de collations vespertines.

Italie, Romanie, Naples, Cécile, demourront où elles estoient l'an passé. Hz songeront bien profondément vers la fin du Caresme, et resveront quelquefoys vers le hault du jour.

Allemaigne, Souisses, Saxe, Strasbourg, Anvers, etc., profiteront s'ilz ne taillent; les porteurs de rogatons les doibvent redoubter, et ceste année ne se y fonderont pas beaucoup de anniversaires.

PANTAGRUELINE PROGNOSTICATION 357

Hespaigne, Castille, Portugual, Airagon, seront bien subjectz à soubdaines altérations, et craindront de mourir bien fort, autant les jeunes que les vieulx; et pourtant se tiendront chaudement, et souvent compteront leurs escutz, s'ils en ont.

Angleterre, Escosse, les Estrelins, seront assez mauvais Pantagruelistes. Aultant sain leurs seroit le vin que la bière, pourveu qu'il fust bon et friant. A toutes tables leur espoir sera en l'arriere-jeu. Sainct Treignant d'Escosse fera des miracles tant et plus. Mais des chandelles qu'on luy portera, il ne verra goutte plus clair si Aries ascendant de sa busche ne trébuche, et n'est de sa corne escorné.

Moscovites, Indiens, Perses et Troglodytes souvent auront la cacquesangue, parce qu'ilz ne vouldront estre par les Romanistes belinez, attendu le bal de Sagittarius ascendant.

Boësmes, Juifs, Egiptiens, ne seront pas ceste année reduictz en plate forme de leur attente. Venus les menasse aigrement des escrouelles guorgerines; mais ilz condescendront au vueil du Roy des Parpaillons.

Escargotz, Sarabouytes, Cauquemarres, Canibales, seront fort molestez des mousches bovines, et peu joueront des cymbales et manequins, si le Guaiac n'est de requeste.

Austriche, Hongrie, Turquie, par ma foy, mes bons hillotz, je ne sçay comment ilz se porteront, et bien peu m'en soucie, veu la brave entrée du Soleil en Capricomus : et si plus en sçavez, n'en dictes mot, mais attendez la venue du Boyteux.