LA DESCRIPTION D'UNE BELLE DEMEURE

ET LOUANGES DE MESSIEURS d'eSTIGNAC

Va, lettre, va, de ce fascheux Palays, ■Te présenter aux yeux de Rabelays.

Le promettre est on pouvoir des humains. Mais le tenir n'est tousjours en leurs mains. Car advenir peut tel cas sans finesse Qu'on ne sçauroit accomplir sa promesse. Et mesmement à moy, qui subject suis A plusieiu^s gens, veu Testât que j'ensuis.

Cecy t'escriptz à ce qu'on ne m'accuse De menterie, et à toy je m'excuse.

Seigneur très cher, l'im de mes grands amjrs, Du brief retour lequel j'avois promis.

Car si n'estoit le labeur de practique (Auquel pour vivre il fault que je m'applique), De trois jours l'un irois veoir Ligugé, Et pour m'induire à ce maints arguz j'é.

Le premier est le lieu tant délectable. De toutes pars aux nymphes tressortable : Car d'une part les Nayades y sont Dessus le Clan, doulce rivière, où font Chères très grans avecques les Hymnides, Se gaillardans es prez verdz et humides.

Apres y sont, par les arbres et boys, Autres qui font resonner hault leur voix; C'est assavoir, les silvestres Driades Portans le verd, et les Amadriades, Et davantage, Oreades aux mons.

Dont bien souvent on oyt les doulx sermons :