EPISTRE RESPONSIVE DE J. BOUCHET

Et puis après les gentilles Nappées, Qui rage font, par chansons decouppées, De bien chanter aux casteUins ruysseaux Par les jardins nourrissans arbrisseaux.

Et lors qu'Aurore est en son appareil, Pour dénoncer le lever du Soleil, En cheminant sous les verdoyans umbres, Pour oublier les ennuyeux encombres, Tu puis ouyr des nymphes les doulx chaus, Dont sont remplis boys, boucages et champs.

Et qui vouldra prier Dieu (ce que prise). On trouvera la tresplaisante egUse Où sainct Martin feit habitation Par certain temps, en contemplation, Et où deux mors par fureur et tempeste. Resuscitez furent à sa requeste.

Après y sont les bons fruictz et bons viu», Que bien aymons entre nous Poictevins.

Et le parfaict, qu'il ne fault qu'on resecq^^v- C'est la bonté du révérend evesque De Maillezays, seigneur de ce beau Ueu, Par tout aymé des hommes et de Dieu, Prélat dévot, de bonne conscience.

Et fort sçavant en divine science, En canonique, et en humanité.

Non ig:iorant celle mondanité Qu'on doit avoir entre les Roys et princes, Pour gouverner villes, citez, provinces.

A ce moyen, il ayme gens lettrez En Grec, Latin et François, bien estrez A diviser d'histoire ou théologie.

Dont tu es l'un : car en toute clergie Tu es expert ; a ce moien te print Pour le servir, dont très grant heur te vint. Tu ne povois trouver meilleur service Pour te pourveoir bien tost de bénéfice.

Aussi est il de noble sang venu :

Ses pères ont (comme il est bien congneu; Tresbien servy jadis les Roys de France, En temps de paix, de guerre et de souffrance. Et tellement que leur nom de Stissac On ne sçauroit par oubly mettre à sac Leurs nobles faictz militaires louables Si demourront au monde pardurables.

Du sien nepveu les vertuz et les menT:. Augmenteront leurs immortelz honneurs.

Car, pour parler au vray de sa personne,