QUELLES CONTENANCES EURENT PANURGE ET FRERE JEAN DURANT LA TEMPESTE

Pantagruel, préalablement avoir imploré l'ayde du grand Dieu Servateur, et faicte oraison publicque en fervente

PANTAGRUEL 8l

dévotion, par l'advis du pilot tenoit l'arbre fort et ferme, frère Jan s'estoit mis en pourpoinct pour secourir les nauchiers. Aussi estoicnt Epistemon, Pon ocrâtes, et les aultres. Panurge rcstoit de cul sus le tillac, pleurant et lamentant. Frère Jan l'apperceut, passant sus la Coursie, et luy dist : « Par Dieu, Panurge le veau, Panurge le pleurart, Panurge le criart, tu feroys beaucoup mieulx nous aydant icy que là pleurant comme une vache, assis sus tes couillons comme un magot. — Be be be bous, bous, bous, respondit Panurge, frère Jean mon amy, mon bon père, je naye, je naye, mon amy, je naye. C'est faict de moy, mon père spirituel, mon amy, c'en est faict. Vostre bragmart ne m'en sçauroit saulver. Zalas, zalas ! nous sommes au dessus de Ela, hors toute la gamme. Bebe be bous bous. Zalas ! à ceste heure sommes nous au dessous de Gamma ut. Je naye. Ha mon père, mon oncle, mon tout. L'eau est entrée en mes souliers par le collet. Bous, bous, bous, paisch, hu, hu, hu, ha, ha, ha, ha, ha, je naye. Zalas, zalas, hu, hu, hu, hu, hu, hu. Bebe bous, bous, bobous, bobous, ho, ho, ho, ho, ho. Zalas, zalas. A ceste heure foys bien à poinct l'arbre forchu, les pieds à mont, la teste en bas. Pleust à Dieu que présentement je fusse dedans la Orque des bons et beatz pères concilipetes, les quelz ce matin nous rencontrasmes, tant devotz, tant gras, tant joyeulx, tant douilletz, et de bonne grâce. Holos, holos, holos, zalas, zalas, ceste vague de tous les Diables {mea culpa, Deus), je dis ceste vague de Dieu enfondrera nostre nauf. Zalas ! frère Jan, mon père, mon amy, confession ! Me voyez cy à genoulx. Confiteor, vostre saincte bénédiction.

— Vien, pendu au Diable, dist frère Jean, icy nous ayder, de par trente légions de Diables, viens : viendra il? — Ne jurons poinct, dist Panurge, mon père, mon amy, pour ceste heure. Demain, tant que vouldrez. Holos, holos. Zalas ! nostre nauf prend eau. Je naye, zalas, zalas ! Be be be be be bous, bous, bous, bous. Or sommes nous au fond. Zalas, zalas ! Je T. II. 6