QO LIVRE IV, CHAPITRE XXIII

tué, je ne l'en estime un pelct moins. Car, comme craindre en tout heurt est indice de gros et lasche cœur, ainsi comme faisoit Agamemnon, et pour ceste cause le disoit Achilles en ses reproches ignominieusement avoir œilz de chien et cœur de cerf, aussi ne craindre, quand le cas est evidentement redoutable, est signe de peu ou faulte de appréhension. Ores, si chose est en ceste vie à craindre, après l'offense de Dieu, je ne veulx dire que soit la mort. Je ne veulx entrer en la dispute de Socrates et des Academicques, mort n'estre de soy maulvaise, mort n'estre de soy à craindre. Je dis ceste espèce de mort par naufraige estre, ou rien n'estre à craindre. Car, comme est la sentence de Homère, chose griefve, abhorrente et dénaturée est périr en mer. De faict, ^î^néas, en la tempeste de laquelle feut le convoy de ses navires près Sicile surprins, regretoit n'estre mort de la main du fort Diomedes, et disoit ceulx estre troys et quatre foys heureux qui estoient morts en la conflagration de Troie. Il n'est céans mort personne : Dieu servateur en soit éternellement loué. !Mais vrayement voicy un mesnage assez mal en ordre. Bien. Il nous fauldra reparer ce briz. Guardez que ne donnons par terre.