COMMEKT, LA TEMPESTE FINIE, PANURGE FAICT LE BON COMPAIGNON

« Ha, ha, s'escria Panurge, tout va bien. L'oraige est passée. Je vous prie, de grâce, que je descende le premier. Je vouldrois fort aller un peu à mes affaires. Vous aideray je encores là. Baillez que je \Tilonne ceste chorde. J'ay du couraige prou, voyre. De paour bien peu. Baillez ça, mon may. Non, non, pas maille de craincte. Vray est que ceste vague decumane.

PANTAGRUEL ÛI

/V laquelle donna de prorc en pouppe, m'a un peu l'artcrc altéré. Y — Voile bas ! — C'est bien dict. Comment, vous ne falotes \. rien, frère Jan? Est il bien temps de boire à ceste heure? Que \ sçavons nous si l'estafïier de sainct Martin nous brasse encores quelque nouvelle oraige? Vous iray je encores ayder de là? Vertus guoy, je me repens bien, mais c'est à tard, que n'ay suivy la doctrine des bons Philosophes, qui disent soy pourmener prés la mer, et naviger près la terre estre chose moult sceure et délectable, comme aller à pied quand l'on tient son cheval par la bride. Ha, ha, ha, par Dieu, tout va bien. Vous aideray je encores là? Baillez ça, je feray bien cela, ou le Diable y sera. »

Epistemon avoit une main toute au dedans escorchée et sanglante, par avoir en violence grande retenu un des gumenes, et, entendant le discours de Pantagruel, dist : « Croyez, seigneur, que j'ay eu de paour et de frayeur non moins que Panurge. Mais quoy? Je ne me suys espargné au secours. Je consydere que si vrayement mourir est (comme est) de nécessité fatale et inévitable, en telle ou telle heure, en telle ou telle façon mourir est en la saincte volunté de Dieu. Pourtant, icelluy fault incessamment implorer, invocqucr, prier, requérir, suppHer. Mais là ne fault faire but et bournc : de nostre part, convient pareillement nous évertuer, et, comme dict le sainct Envoyé, estre cooperateurs avecques luy. Vous sçavez que dist C. Flaminius, consul, lors que, par l'astuce de Annibal, il feut resserré prés le lac de Peruse dict Thrasymene. « Enfans, dist il à ses soubdards, d'icy sortir ne vous fault espérer par veuz et imploration des Dieux. Par force et vertus il nous convient évader, et à fil d'espée chemin faire par le mylieu des ennemis. « Pareillement, eu Salluste, l'ayde (dist M. Portius Cato) des Dieux n'est impetrée par veuz ocieux, par lamentations muliebres. En veiglant, travaillant, soy évertuant, toutes choses succèdent à soubhayt et bon port. Si, en nécessité et dangicr, est l'homme négligent, eviré et paresseux,