COMMENT PANTAGRUEL DESCENDIT EX L'ISLE DES PAPEFIGUES

Au lendemain matin rencontrasmes l'isle des Papefîgues, les quelz jadis estoient riches et libres, et les nommoit on Guaillardetz. Pour lors estoient paouvres, malheureux et subjectz aux Papimanes. L'occasion avoit esté telle. Un jour de feste annuelle à bastons, les Bourguemaistre, Syndicz et gros Rabiz Guaillardetz, estoient allés passer temps, et veoir la feste en Papimanie, isle prochaine. L'un d'eulx, voyant le protraict Papal (comme estoit de louable coustume publicquement le monstrer es jours de feste à doubles bastons), luy feist la figue, qui est, en icelluy pays, signe de contemnement et dérision manifeste. Pour icelle vanger, les Papimanes, quelques jours après, sans dire guare, se mirent tous en armes, surprindrent, saccaigerent, et ruinèrent toute l'isle des Guaillardetz, taillèrent à fil d'espée tout homme portant^ barbe. Es femmes et jouvenceaulx pardonnèrent, avecques condition semblable à celle dont l'empereur Federic Barberousse jadis usa envers les Milanois.

Les Milanois s'estoient contre luy absent rebellez et avoient rimperatrice sa femme chassé hors la ville, ignominieusement montée sus une vieille muUe nommée Thacor, à chevau-