SUR LA MORT

POUÈMO

La mort n*entèn pas badinatge ,

Prèn lou biël coumo lou maynatge ;

Sa faù se permèno pertout,

Es al cap, al met, es al bout.

Soun regard à tal pun nous peno ,

Que glaço lou sang dins la beno.

Quand lou toumbèl mostro soun bord ,

L'eternitat pares d'abord.

Sans sabe s'es bouno ou maùbèso ,

Trouban toutjour un Diù que peso

Toutos caûsos al trebuquet,

E qu'a déjà mes al croujet

L'eccés de sa misericordo ,

Car cat pus de perdou n'accordo ,

Quand abèn fèy lou darrè pas.

Faren bien de nous Hâta pas ,

La mort es un cot departido.

Touto persouno es abertido

De se prépara grandomen

A randre urous aquel moumen

Que nous separo de la terro.

Lou demoun nous fara la guerro ,

E riscaren de sucoumba

Se n'abèn de bertut en ma.