ODE XI

Les Roys sont enfants des Dieux, Les Dieux les Roys favorisent, Et bien sont voulus des cicux, Qui les honorent et prisent.

Ceux qui des Roys ont la grâce, N'ont pas un petit bonheur, Et qui honore leur face Aux Roys mesmes fait honneur.

Ton Prince qui bien entend La grandeur de ton mérite, Sur toy sa faveur estend, Faveur qui n'est pas petite.

Mais qui bien te cognoit ores, Et n'est aussi cognoissant L'esprit, qui est plus encores Que son corps apparoissant .-' Ma lyre, qui sceut chanter

N'a gueres des Rois la gloire, S'oze encores bien vanter D'eternizer ta mémoire.

La nature me feit naistre De ton sang non gueres loin, Et à vertu me fait estre De tes hommes le tesmoin.

Celuy qu'amour de soy poingt, Sa figure est contrefait :

Le tableau ne parle point.

Et la statue est muette.

Les vers, jamais ne se taisent.

De vers pauvre je ne suis Les vers, Rois-Dauphin, te plaisent:

Des vers donner je te puis.