VIII. — Décréta disciplinaria
Rdum N. clerum prima vice visitantes, nonnulla et decentiæ et bono ecclesiæ regimini repugnantia invenimus, quæ ut evellantur et a clero removeantur, decrevimus et mandavimus :
1. Ut præcipue in feslis canonici et participantes choro intersint, nec ob missas alibi celebrandas chorum negiigant. Quare vel missæ celebralio anticipetur aut choro postponatur, vel hora magis opportuna ad officium in choro recilandum seligatur.
2. Ut nullus in choro confabuletur; canatur insuper absque præcipitatione et ita ut senes juvenibus consociari commode possint.
3. Ut solus, qui in choro aliis præest, errantes in legendo corrigat, necalius hoc facere audeat.
4. Ut, et cum e sacristia ad chorum itur, et cum e choro ad sacristiam reditur, omnes bini incedant, non vero singuli et sejunctim.
5- Ut punctatores, antequam hoc ofticium exercere incipiant, juramentum, prout præscriptum est, præstent ; in officio autem recte et scrupulose se gerant.
6. Ut canonici, qui vestes, cappas, rocheta et bireta sordidaet indecentia habent, melioribus et decentioribus in posterum utanlur.
7. Ut nec in sacristiam nec in chorum sæculares unquam admittantur.
8. Ut missæ, quæ per turnum celebrari soient, ab illo ad quem spectat, celebrentur, nisi légitima et justa causa impediatur.
9. Ut reliquæ missæ non uno tempore sed successive celebrentur, adeo ut et summo mane, et circa medium et prope meridiem populus commoditatem habeat missam audiendi.
10. Ut confessionis sacramentum cum stola administretur, prout in Rituali præcipitur ; et confessarii diebus festis virorum potius confessiones au liant quam mulierum, quæ tolo hebdomadæ cursu peccata commode possunt confiteri, quod a viris agriculturæ addictis vix adimpleri potest.
11. Ut procuratores quoque anno canonicis vel participantibus porliones suorum redituum non solvant, nisi prius isti docuerint adimplementum missarum quas celebrare tenebantur; quod ubi executi non fuerint, procuratores missas ab aliis celebrari curent, expensis delinquentis. Hoc si a procuratoribus negligetur et canonici seu participantes, priusquam missarum adimplementum doceant, reditus fuerint consecuti, obligabimus procuratores ad satisfaciendum celebrationi missarum propriis expensis.
12. Ut conficiatur elenchus scripturarum quæ in archivio servantur, cujus exemplar, a Rmo abbate, ab archivario et vicario foraneo subscriptum, ad Rmam curiam transmiltatur. Yetamus insuper ne aliqua charta vel liber ab archivio extrahatur, sub pœna suspensionis a divinis ab archivario incurrendæ, nisi tamen chartæ vel libri opus erunt procuratori ecclesiæ ad jura et bona cleri tuenda; hoc autem in casu archivario procurator exhibeat chirographum, in quo ipse testclur se chartas vel libros récépissé, et intra spatium unius vel duorum mensium redditurum esse.
13. Ut quaque hebdomada congregatio casuum moralium habeatur.
14. Ut parochi, quoad emolumenta baptismatis, funerum et matrimoniorum, non excedant ea quæ in Synodicon diœcesano præscripta sunt.
15. Ut reditus participationum vacantium non distribuantur inter alios participantes, sed de his arbitrio Ordinarii disponatur.
16. Ut parochi qui ad aliud beneficium promoventur nihil secum ex
parœciæ supelleclili auferant, quæ et ecclesiæ reditibus etecclesiæ usibus comparata est.
17. Ut omnibus omnino diebus fiat visitatio ad S. S. Eucharistiæ Sacramentwm circa horam 23am hyemali tempore, tempore autem æstivo circa horam 23a™ cum dimidio. Huic sacræ functioni omnes sacerdotes intersint, ut suo exemplo populum adecclesiam arcessere valeant.
18. Ut sacerdotes qui in capellis ruralibus célébrant, ante missæ sacrificium fidei rudimenta populum doceant, post evangelium vero, ea quæ in ipso evangelio lecta sunt, breviter explicent.
19. Ut parochi omnibus diebus feslis una cum suis coadjutoribus pueros et ignaros christianæ doctrinæ rudimentis instruant. Cathechesim insuper nunquam omittant, nec homiliam de Evangelio currenti.
20. Ut Rmo abbati in posterum uti mitra auro contexta et gemmis ornata interdictum sit, cum hujusmodi abbatibus tantum permissus sit asus mitræ ex siraplici serico confectæ.
Horum omnium executionem committimus adra. Rdo D. vicario foraneo. Et ita. Datum in S. Visit. oppidi N., 6 die junii 18io.
