DV BOIRE DT PESTIFERE MALADE
Si le malade a grande fîéure et ardente, il ne boira aucunement de vin, s’il ne luy suruient défaillance de cœur : mais en lieu d’iceluyil pourra boire de l’oxymelfait comme s’ensuit.
Vous prendrez la quantité que voudrez de la meilleure eau que pourrez recouurer, et pour six liures d’eau y mettrez quatre onces de miel, et le ferez boüillir en l’escumant iusques à la consomption de la troisième partie : puis sera coulé , et mis en quelque vaisseau de verre : puis on adioustera trois ou quatre onces de vinaigre : et sera aromatisé de canelle fine.
Pareillement pourra vser de l’hippocras d’eau fait en ceste sorte.
Prenez vne quarte d’eau de fontaine, six onces de succre, deux dragmes de canelle, et le tout ensemble coulerez par vne manche d’hippocras, sans aucunement le faire boüillir.
Et s’il n’ost assez doux au goustdu malade, vous y pourrez adiouster d’auantage de succre, ensemble , un peu de jus de citron, et lors mesmement qu’il demande à boire.
DE LA
Le syrop de acetosilate citri emporte le prix entre tous les autres contre la peste.
Il pourra vser du iulep qui s’ensuit entre les repas auec eau boüillie, ou eau d’ozeille, de laictues, scabieuse et büglose, de chacune égalé portion, comme ;
Prenez j us d’ozeille bien purifié, demie liure. Jus de laictues aussi bien purifié, quatre onces.
Succre fin, vne liure.
Clarifiez le tout ensemble, et le faites boüillir à perfection et le coulez , y adioustant sur la fin vn peu de vinaigre : et en vsera comme dessus est dit.
Et s’il n’est aggreable au malade en ceste sorte, vous le pourrez faire en la maniéré suiuante.
Prenez quatre onces dudit iulep clariflé et coulé, et le meslez auec vne liure desdites eaux cordiales , et les ferez bouillir ensemble trois ou quatre bouillons, et estant hors du feu y ietterez vne dragme de santal citrin, et demie dragme de canelle concassée ; ce fait, le coulerez par vne manche d’hippocras, et estant froid, en baillerez à boire au malade auec jus de citron, comme dessus.
Ceux qui ont accoustümé de boire du peré, ou du pommé, ou de la ceruoise ou biere , le pourront faire , pourueu que la biere soit bonne, claire et deliée , et le peré et pommé faits de pommes et poires aigres, qui soient bien purifiées ; car s’ils estoient gros et troubles, non seulement engendreroient mauuaises humeurs , mais aussi grandes crudités ei inflammations à l’eslomach, et ijîusieurs obstructions, dont la üéure se pourroit augmenter, et par conséquent faire mauuais accidens : parquoy ie conseille n’en vser aucunement, si le
PESTÉ. 40l
malade ne le desîroit, et fust accoustumé à boire de tels breuuages.
Pour estancher la grande soif, et contrarier à la matière putride et veneneuse, on donnera à boire au malade de l’eau et vinaigre faits comme s’ensuit.
Oxycrat composé.
Prenez deux liures d’eau de fontaine , trois onces de vinaigre blanc ou rouge, quatre onces de succre fin, deux onces de syrop de roses : le tout soit fait boüillir vn petit bottillon, et en soit donné à "boire au malade.
Ce iulep suiuant est pareillement propre pour donner à ceux qui sont fort febricitans, lequel a vertu de rafraîchir le cœur, et retient en bride la fureur du venin , et garde les humeurs de pourriture.
Prenez demie once de jus de limons , et autant de citrons.
Vin de grenades aigres , deux onces.
Eau de petite ozeille et eau rose , de chacune vne once.
Eau de fontaine boüillie tant qu’il sera besoin.
Et soit fait iulep , duquel en sera vsé entre le repas.
Autre.
Prenez syrop de citrons et de grozeilles rouges appellées ribes, de chacun vne once. Eau de nénuphar, quatre onces.
Eau de fontaine, huit onces.
Et de ce soit fait iulep à boire comme dessus.
Autre.
Prenez syrop de nénuphar, et syrop aceteux simple, de chacun demie once.
Soient dissoults en cinq onces d’eau de petite ozeille , et vne liure d’eau de fontaine , et de ce soit fait iulep.
El si ie malade estoit ieune , et de température chaude, et restomach bon, il pourra boire de bonne eau
lit.
^02 LE VINGT-QVA.TRIEME LIVRE ,
froide venant d’vne claire et viue fontaine à grands traits, à fm d’esleindreson extreme soif, et la velietnen te fureur et ardeur de la fiéiire. le dis à grands traits, pource que s’il beuuoit peu et souuent, iamaissa soif nepourroil Cslfe eslanchée ni la chaleur diminuée, mais plustost seroient augmentées. Geque nous connoissons par l’exemple du mareschab qui voulant eschauffer le fer arrouse son feu auec vne escouuette , et par ce la vertu du feu en est rendue plus chaude et ardente : et lors qu’il le veut esteindre , il iette bonne quantité d’eau dessus, qui fait que le feu en est suffoqué et du tout esteint :
aussi le pauure fébricitant altéré d’vne extreme soif , lors qu’on luy donne vn grand trait d’eau fraîche, par ce moyen on lui suffoque sa vehemente chaleur et désir de boire.
Et en telle extreme soif ne faut tenir mesure du boire : et où le malade vomira après, il n’y aura pas grand danger ; et cecy est mesme approuué de Ceise ‘, qui dit, qu’aprés que l’eau froide aura relriget'é les parties intérieures , il la conuient vomir ; ce que toutesfois aucuns ne font pas , mais en vsent comme de médicament.
D’auantage, le malade tiendra en sa bouche ces trochisques 2 :
7f. Seminis psyllij 3. ij.
Seminis cilhoniorum 3. j, fi.
Sacchari candi in aqua rosar. dissol. § .j. Misce : fiant trochisci lupinis similes : tencat
semper in ore.
Ces trochisques humectent grandement la bouche du malade. Aussi pour appaiser la soif, on pourra faire tenir en la bouche vn morceau de
1 Celsc, liur. 3. chap, 1. — A. P.
® Cette formule a été ajoutée eu 1586.
melon, ou concombre-, ou courge, ou quelques fueilles de laictues, oU d’ozeille, ou pourpié trempé en eau froide, et le renouueller souuent. Il pourra pareillement y tenir des lesches de citron vn peu succrées et aspergées d’eau rose : semblablement aussi des grains de grenades aigres.
Outre-plus, le vinaigre mixtionné auec eau, ainsi qu’on le préparé dedans les galeres pour boire, refroidit et garde de pourriture, fait passer et descendre l’eau par les parties, dissipe les obstructions, et estanche merueilleusement la soif, par la vertu de sâ froideur et acidité : aussi il résisté et amortit beaucoup l’ebullilion des humeurs qui causent la fleure putride. Pareillement les syrops suiuans sont propres, comme aceteux, de nénuphar, violât, de papauere, de limons, citrons, de ribes, berberis et grenades, L’vn d’iceux sera battu et mixtionné auec eau bouillie , et en sera donné' à boire aux malades, comme i’ay cy dessus dit , moyennant qu’ils n’ayent toux , ny crachats de sang, ou le sanglot, ou l’estomach débité ; car alors on doit du tout fuir telles choses aceteusesi Or encor que i’aye cy deuant défendu le vin , i’entendois que le malade fust ieune et robuste, et eust fiéure ardente : mais s’il esloit vieil et débité , et de température pituiteuse, et eust accoustumé de boire tousiours vin , aussi qn’il eust passé l’estât de sa maladie, et n’eust tiéure trop grande ne ardente , il peut boire à ses repas vin blanc ou clairet fort trempé, selon la force du vin , et la diuersité des chaleurs du temps. Et ce n’est à reietter ; car il n’y a rien qui conforte plustost les vertus, et qui augmente et reuiuifie les esprits que fait le bon vin, et partant en tel
DE LA. PESTE
cas en faudra donner ; et à la fin delà table on luy donnera quelque petit vin vermeil , verdelet et astringent, à fin qu’il ferme et serre l’orifice de restomach, et repousse les viandes au profond, aussi qu'il abbate les fumées qui montent à la teste. Et pour ce fait on donnera pareillement un peu de colignac, conserue de roses, ou quelque poudre cordiale.
Et noteras que le malade ne doit endurer la soif, et partant gargarisera souuent sa bouche d’eau et vinaigre, ou vin et eau , et en lauera pareillement la face et ses mains : car telle lotion resioüit et fortifie les vertus
Si le malade a flux de ventre , il boira de Feau ferrée , auec quelques syrops astringens : aussi le laict boüüli, auquel on aura esteint des cailloux par plusieurs fois, luy sera fort vtile. Quant à ceux qui ont la langue seiche et raboteuse, et toutes les parties de la bouche desseicbées, pour la leur rafraîchir et adoucir, on leur fera lauer souuent la bouche d’eau mucilagineuse faite de semences de coings et de psyllium, auec eau de plantin et de roses, et un peu de camphre : puis après Fauoir lauéeet humectée, il la faut nettoyer auec vne ratissoire, puis Foindred’vn peu d’huile d’amendes douces tirée sans feu , meslée auec du syrop violât. Et s’il suruenoil quelques vlceres en la bouche , on les touchera d’eau de sublimé , ou eau forte qui aura serui aux orféures : aussi ou fera des gargarismes, et autres choses necessaires.
Election de la bonne eau^.
Il y a plusieurs malades, et aussi des sains , qui iamais pour leur breu-
I Cet article a été ajouté en 1579; bien
uage ne veulent et ne peuuent boire autre breuuage que la seule eau. A cesle cause , vouloir m’a pris en cest endroit monstrer par escrit la bonne eau remarquée par les anciens : et est bien necessaire la connoistre, veu que noslre vie consiste la plus grand part en l’vsage d’icelle : car c’est le principal breuuage, ioint que le pain que nous mangeons en est pestri, et la plus part des viandes appreslées et cuittes.
Or la meilleure est celle de pluye qui tombe en Esté , et gardée en vne bonne cisterne. Après est celle des fontaines , qui descend des montagnes, et découlé par dedans les pierres et rochers. Puis l’eau des puits, ou celle qui sourd au bas d’ vne montagne. Celle delà riuiere estpareillemtTit bonne, prise au fil courant d’icelle , entre deux eaux. Celle des estangs ou marais est mauuaise,et principalement celle qui ne court point est tres-pernicieuse et pestilente, à cause qu’en icelle naissent plusieurs animaux venimeux, comme couleuures, crapaux, vers, et autres.
Celle de neige et de glace est aussi mal saine , à cause de sa grande froideur et terrestrité. Et quant à Feau des puits et des fontaines, laquelle est tousiours ouïe plus souuent trouuce bonne , sa bonté sera conneuë , si elle n’a aucune saueur, odeur, ny couleur , neantmoins bien claire comme l’air serain. Elle doit estre tiede en Hyuer, et froide en Esté , facile-à eschauffer, et subite à refroidir : en laquelle les pois et les fénes et nauets , et autres semblables choses se
qu’il ait un titre spécial, il tient de trop près à la matière traitée dans le précédent chapitre pour qu’il eût été utile de l’en séparer.
4o4 le VING'L-QVATIUEMë LIVJIE,
cuisent facilement. Et ceux qui en vsent ont la voix claire et la poitrine saine , et le teint du visage beau et clair : et la plus legere Irouuée au poids est la meilleure.
